नेपालमा पुनर्निर्माणका लागि बेलायतमा आइतबार सीएनसीबीजीको च्यारिटी डिनर नाइट

गोर्खा

Home
गोर्खा
नेपालमा पुनर्निर्माणका लागि बेलायतमा आइतबार सीएनसीबीजीको च्यारिटी डिनर नाइट

नेपालमा पुनर्निर्माणका लागि बेलायतमा आइतबार सीएनसीबीजीको च्यारिटी डिनर नाइट

गोर्खा मिडिया संवाददाता शनिबार, कात्तिक ८, २०८२

लन्डन । ब्रिटिस गोर्खा नेपाली नागरिकता निरन्तरता (सीएनसीबीजी) ले आइतबार २६ अक्टुबरमा आयोजना गर्ने 'ग्रान्ड च्यारिटी डिनर नाइट'को आयोजना गर्दै छ ।

नेपालमा भदौ २३ र २४ गते भएको जेन-जी आन्दोलनको क्रममा क्षतिग्रस्त भौतिक संरचनाहरूको पुनर्निर्माण साथै गोर्खा र निजका सन्तानहरूका वंशजको नेपाली नागरिकता निरन्तरता अभियानको निम्ति सहयोग जुटाउने उद्देश्यले डिनर नाइट आयोजना गर्न लागिएको सीएनसीबीजीका अध्यक्ष थर्क रानाले जानकारी दिए । अल्डरसटस्थित एम्पायर हलमा हुने कार्यक्रमको तयारी अन्तिम चरणमा पुगेको पनि अध्यक्ष रानाले बताए ।
।

'अहिले हाम्रो सम्पूर्ण तयारी फाइनल स्टेजमा छ भने विभिन्न संघसंस्थाहरू र व्यक्तिविशेषबाट बुकिङ गर्ने काम भइरहेको छ,' अध्यक्ष रानाले भने, 'यो च्यारिटी डिनर नाइट नेपालको भौतिक पुनर्निर्माणको निम्ति भएको हुनाले नेपाली दूतावास लन्डनबाट द्वितीय सचिव सन्जोग राईलगायतले प्रतिनिधित्व गर्नुहुने भएको छ ।'

अध्यक्ष रानाले कार्यक्रमको मुख्य आकर्षण नेपालका चर्चित गायिका कामना ओली र नृत्याङ्गना अश्मिता पुरीका साथसाथै स्थानीय कलाकारहरूको समेत धमकेदार संगीत र नृत्य प्रस्तुति रहने बताए । कार्यक्रममा उपस्थित हुनेले नेपालीहरुको गढ मानिने अल्डरसट बजारमा घुमघाम गर्ने मौकासमेत पाइनेछन् ।

उपस्थित हुन वा सहयोग गर्न चाहनेका लागि अझै पनि समय रहेको भन्दै अध्यक्ष रानाले रजिष्ट्रेसन फर्म खुलै राखिएको जानकारी गराए ।

प्रकाशित मिति: शनिबार, कात्तिक ८, २०८२ ११:४५

प्रतिक्रिया दिनुहोस्