बेलायतमा भूपू गोर्खा सैनिक मेजर पदमबहादुर गुरुङ एमभीओलाई काउन्सिलबाट सर्वोच्च सम्मान प्रदान

गोर्खा

Home
गोर्खा
बेलायतमा भूपू गोर्खा सैनिक मेजर पदमबहादुर गुरुङ एमभीओलाई काउन्सिलबाट सर्वोच्च सम्मान प्रदान

बेलायतमा भूपू गोर्खा सैनिक मेजर पदमबहादुर गुरुङ एमभीओलाई काउन्सिलबाट सर्वोच्च सम्मान प्रदान

गोर्खा मिडिया संवाददाता आइतबार, माघ १८, २०८२

लन्डन । बेलायतमा भूपू गोर्खा सैनिक मेजर पदमबहादुर गुरुङ एमभीओलाई काउन्सिलबाट सर्वोच्च सम्मान प्रदान गरिएको छ ।

ननिटन एन्ड बेडवर्थ बरो काउन्सिलले मेरि गुरुङ एमभीओलाई २८ जनवरी २०२६ मा 'फ्रिडम अफ द बरो' अवार्ड प्रदान गरेको हो । उनलाई मेयर काउन्सिलर भीम सारु मगरले सम्मान गरे । मेजर गुरुङ ब्रिटिस गोर्खा भेट्रान एसोसिएसनका प्रमुख सल्लाहकारसमेत हुन् ।

मेजर पदमबहादुरले तीन दशकको सैनिक सेवाकालमा विश्वका विभिन्न मुलुकमा पुगेका थिए । विगत छ महिनामा नुनिटनस्थित नेपाली समुदायले उल्लेखनीय योगदान र उपलब्धिमार्फत ऐतिहासिक पहिचान बनाएको छ। यसअघि समुदायका दुई सदस्यहरू ममता देवान सुब्बा र मेजर (रिटायर्ड) श्रीप्रसाद गुरुङलाई हाई शेरिफ अफ वारविकशायर चेंज मेकर्स अवार्ड प्रदान गरिएको थियो।

फ्रिडम अफ द बरो बेलायतका स्थानीय काउन्सिलहरूले कुनै व्यक्ति, संस्था वा दुर्लभ अवस्थामा सैनिक एकाइलाई असाधारण सेवा प्रदान गरेको कदरस्वरूप प्रदान गर्ने सर्वोच्च नागरिक सम्मान हो । यसको इतिहास सन् १८८५ को होनररी फ्रिडम अफ बरोस ऐनसँग जोडिएको छ । मेजर पदमबहादुरसँगै अन्य तीन जनाले उक्त अवार्ड पाएका थिए ।

622628456_830761540011562_1080427743861363317_n-(1)-1769969557.jpg