नेपालका शिक्षामन्त्री महावीर पुनमगरसँग सीएनसीबीजीको प्रतिनिधिमण्डलको भेट

गोर्खा

Home
गोर्खा
नेपालका शिक्षामन्त्री महावीर पुनमगरसँग सीएनसीबीजीको प्रतिनिधिमण्डलको भेट

नेपालका शिक्षामन्त्री महावीर पुनमगरसँग सीएनसीबीजीको प्रतिनिधिमण्डलको भेट

गोर्खा मिडिया संवाददाता सोमबार, कात्तिक ३, २०८२

लन्डन । ब्रिटिस गोर्खा नेपाली नागरिकता निरन्तरता (सीएनसीबीजी)को प्रतिनिधिमण्डलले नेपालका शिक्षामन्त्री महावीर पुनमगरसँग भेट गरेको छ ।

आइतबार १९ अक्टोबरमा केशरमहलस्थित शिक्षा मन्त्रालय पुगी टोलीले मन्त्री पुनमगरसँग भेट गरेको हो । भेटको क्रममा वंशजका आधारमा नेपाली नागरिकता निरन्तरताको जानाकारीसहित माग राखिएको भूपू सैनिक कल्याणकारी समिति नेपाल (सीएनसीबीजी नेपाल टिम)का अध्यक्ष हुमबहादुर थापाले बताए ।

सीएनसीबीजी बेलायतका अध्यक्ष थर्क रानामगरले पनि शिक्षामन्त्री महावीर पुनमगरलाई भेटी,अन्तरिम सरकारसमक्षसमेत सीएनसीबीजीको माग प्रस्ट पार्नुका साथै जेन-जी आन्दोलनको क्रममा ध्वस्त पारिएका धरोहरुको पुननिर्माणको निमित्त आर्थिक संकलनका लागि यही २६ अक्टोबरका दिन बेलायतमा सीएनसीबीजीद्वारा सम्पन्न हुन गइरहेको च्यारिटी डिनर नाइटबारे पनि जानकारी गराएको बताएका छन् ।

भेटमा महासचिव भक्त राना, भूपू सैनिक कल्याणकारी समिति नेपाल (सीएनसीबीजी नेपाल टिम)का अध्यक्ष हुमबहादुर थापा, उपाध्यक्ष मिनबहादुर थापा मगर, कोषाध्यक्ष केबी राना, सचिव वरिष्ठ अधिवक्ता चेत आले र सदस्य पबित्रा रानालगायत सहभागी थिए । शिक्षामन्त्री पुनमगरसँग भेटी आफ्ना मुद्दा माग राखेकोमा सीएनसीबीजी बेलायतका अध्यक्ष थर्क रानामगरले धन्यवाद प्रकट गरेका छन् ।