'ब्रिटिस–गोर्खा' हाम्रो द्विपक्षीय सम्बन्धको महत्वपूर्ण कडी : राष्ट्रपति पौडेल

गोर्खा

Home
गोर्खा
'ब्रिटिस–गोर्खा' हाम्रो द्विपक्षीय सम्बन्धको महत्वपूर्ण कडी : राष्ट्रपति पौडेल

'ब्रिटिस–गोर्खा' हाम्रो द्विपक्षीय सम्बन्धको महत्वपूर्ण कडी : राष्ट्रपति पौडेल

गोर्खा मिडिया संवाददाता मंगलबार, माघ २२, २०८१

काठमाडौं । नेपालका राष्ट्रपति रामचन्द्र पौडेलसमक्ष बेलायती सेनाको “गोर्खा–ब्रिगेडका” प्रमुख मेजर–जनरल जेराल्ड स्ट्रिकल्याण्डले “ब्रिगेड अफ गोर्खा” को सन् २०२४ को वार्षिक प्रतिवेदन पेश गरेका छन् ।

राष्ट्रपति पौडेलले सो प्रतिवेदन प्रस्तुत गरेकामा बेलायत सरकारप्रति आभार प्रकट गर्दै “ब्रिटिस–गोर्खा” हाम्रो द्विपक्षीय सम्बन्धको महत्वपूर्ण कडी भएको बताए । “ब्रिटिस–गोर्खा हाम्रो द्विपक्षीय सम्बन्धको महत्वपूर्ण कडी हो, जनस्तरको सम्बन्धलाई थप सुदृढ गर्न पनि यसले महत्वपूर्ण योगदान पुर्‍याएको छ”, राष्ट्रपति पौडेलको भनाई उद्यृत गर्दै उनका प्रेस सल्लाहकार किरण पोखरेलले जानकारी दिए ।

पूर्व ब्रिटिश गोर्खाका केही जायज गुनासा सम्बोधन गर्न गठन भएको “द्विपक्षीय संयन्त्र” मा सकारात्मक छलफल भइरहेकै छ भन्ने विश्वास पनि राष्ट्रपति पौडेलले सो अवसरमा व्यक्त गरे ।

यसैबीच राष्ट्रपति पौडेलसँग बेलायती राजकुमारको भेटवार्ता भएको छ । राष्ट्रपति पौडेल र बेलायतका राजकुमार एडवार्डबीच मङ्गलबार राष्ट्रपति भवन शीतल निवासमा भएको हो । राष्ट्रपति पौडेलले बेलायतका राजपरिवारका सदस्यहरूबाट विभिन्न समयमा हुँदैआएका नेपाल भ्रमणले दुई देशबीच रही आएको सुमधुर सम्बन्धलाई अझ मजबुत पार्न योगदान दिएको छ भने । साथै उनले महारानी एलिजाबेथ द्वितीय र राजकुमार फिलिपबाट सन् १९६० र १९८६ मा नेपालको राजकीय भ्रमण भएको स्मरण गरे ।

नेपाल भ्रमणका लागि बेलायतका राजकुमार एडवार्ड धर्मपत्नी सोफीयासहित आजै काठमाडौँ आएका हुन् । सो शीष्टाचार भेटमा बेलायतका राजकुमारका धर्मपत्नी सोफीया, नेपालका लागि बेलायती राजदूत सहभागी थिए ।

प्रकाशित मिति: मंगलबार, माघ २२, २०८१ १८:१७

प्रतिक्रिया दिनुहोस्