बेलायतका लागि नेपाली नवनियुक्त राजदूत घिमिरेसँग गेसो सभापति राईको भेटवार्ता

गोर्खा

Home
गोर्खा
बेलायतका लागि नेपाली नवनियुक्त राजदूत घिमिरेसँग गेसो सभापति राईको भेटवार्ता

बेलायतका लागि नेपाली नवनियुक्त राजदूत घिमिरेसँग गेसो सभापति राईको भेटवार्ता

गोर्खा मिडिया संवाददाता बिहीबार, मंसिर २७, २०८१

लन्डन । बेलायतका लागि नेपाली नवनियुक्त राजदूत चन्द्र घिमिरेसँग गोर्खा भूतपूर्व सैनिक संघ (गेसो) का सभापति कृष्णकुमार राईले भेटवार्ता गरेका छन् ।

बिहीबार १२ डिसेम्बर (२०८१ मंसिर २६ गते) ललितपुरमा राजदूत घिमिरेलाई भेटेको गेसो सभापति राईले बताए । उनले भेटमा विशेष गरेर अहिले गोर्खाहरुको समस्या समाधानार्थ नेपाल र बेलायत दुई सरकारबीच भइरहेको वार्ताबारे कुराकानी भएको जानकारी दिए । भेटवार्ता पछि राईले भने- 'विशेष गरेर अहिले गोर्खाहरुको समस्या समाधानार्थ नेपाल र बेलायत दुई सरकारबीच भइरहेको वार्ताबारे महामहिमज्यूलाई संक्षिप्त रुपमा जानकारी गराउनको साथै टेकनिकल विषयहरुमा समेत स्पष्ट बनाउने अवसर पाइयो । यसमा महामहिमज्यूलाई धन्यवाद दिन चाहन्छौं ।'

यसपछि राजदूत घिमिरेले आफ्नो तर्फबाट कुरा राख्ने क्रममा आफै पनि गोर्खा सैनिककै सन्तान भएकोले समस्या समधान गर्न पहिलो काम हुने प्रतिबद्धता जनाएका थिए । त्यसमा गोर्खाहरुको साथ चाहिने राजदूत घिमिरेको भनाइ रहेको उनले बताए । राजदूत घिमिरेको भनाइ उद्धृत् गर्दै सभापति राईले भने, 'तपाईंहरु सबै संस्था र भूतपूर्व सैनिकहरूको एकता चाहिन्छ । यो हुन सकेन भने विषय अघि बढाउन समस्या हुनेछ भन्ने कुरा राख्नु भयो ।'

'हामी वार्तामा अघि बढ्ने धरातल भनेको ३५ बॅुदे नै हो । यो ३५ बॅुदे सरकारको क्याबिनेटमा समेत छलफल भएर तयार भएको जवाफ हो । तसर्थ अब अघि बढ्ने भनेको ३५ बॅुदेको जगमा बसेर हो । तपाईंहरु द्विविधामा नपर्नु होला भन्नेसमेत भेटमा हामीलाई आश्वस्त बनाउनुभएको कुरा सबैमा खुशीका साथ भन्न चाहन्छु,' सभापति राईले सामाजिक सञ्जालमा लेखेका छन् ।

प्रकाशित मिति: बिहीबार, मंसिर २७, २०८१ १९:०३

प्रतिक्रिया दिनुहोस्