बेलायतमा ननिटनको उपमेयर बने पूर्वगोर्खा भीम सारुमगर

गोर्खा

Home
गोर्खा
बेलायतमा ननिटनको उपमेयर बने पूर्वगोर्खा भीम सारुमगर

बेलायतमा ननिटनको उपमेयर बने पूर्वगोर्खा भीम सारुमगर

गोर्खा मिडिया संवाददाता शुक्रबार, जेठ ४, २०८१

लन्डन । बेलायतको ननिटन र बेडवर्थ काउन्सिलको उपमेयरमा पूर्वगोर्खा सैनिक भीम सारुमगर निर्वाचित भएका छन् ।

काउन्सिलको बुधबार सम्पन्न बैठकले सारूलाई सर्वसम्मतरूपमा उपमेयरमा निर्वाचित गरेको हो । सारूलाई उपमेयरमा काउन्सिलर क्याथ प्राइसले प्रस्ताव गरेकी थिइन् भने निकोला किङले समर्थन गरेकी थिइन् । बैठकले काउन्सिलर क्रिस वाटकिन्सलाई काउन्सिल लिडर र बिल ह्यानकक्सलाई मेयर निर्वाचित गरेको छ । मेयर पदमा भने चुनाव भएको थियो । निर्वाचित मेयर, उपमेयर, काउन्सिल लिडर सबै लेबर पार्टीका काउन्सिलरहरू हुन् ।

गत २ मेमा सम्पन्न स्थानीय चुनावमा उक्त काउन्सिलमा लेबर पार्टीले बहुमत हासिल गरेको थियो । लेबरबाट २० जना काउन्सिलर निर्वाचित भएकोमा दुई जनाले उपमेयरका लागि आकांक्षा राखेपछि पार्टीभित्र आन्तरिक चुनाव भएकोमा सारूले जित हासिल गरेका थिए । मेयर र उपमेयरको कार्यकाल एक वर्षको हुने गरेको छ । हालको उपमेयर अर्को साल स्वत: मेयर हुने प्रावधान छ ।

प्रकाशित मिति: शुक्रबार, जेठ ४, २०८१ १२:४७

प्रतिक्रिया दिनुहोस्