बेलायतमा सवारी दुर्घटना : गोर्खा सैनिक मेजर गणेश राईको मृत्यु भएको पुष्टि

गोर्खा

Home
गोर्खा
बेलायतमा सवारी दुर्घटना : गोर्खा सैनिक मेजर गणेश राईको मृत्यु भएको पुष्टि

बेलायतमा सवारी दुर्घटना : गोर्खा सैनिक मेजर गणेश राईको मृत्यु भएको पुष्टि

गोर्खा मिडिया संवाददाता सोमबार, मंसिर १८, २०८०

लन्डन । बेलायतमा ट्रकको ठक्करबाट गोर्खा सैनिक मेजर गणेश राईको निधनको पुष्टि भएको छ ।

गत बुधबार दिउँसो करिब सवा १ बजे एम थ्री जंक्सन फाइब हुन नजिकै भएको दुर्घटनामा ५० वर्षीय राईको निधन भएको स्थानीय प्रहरीले जनाएको छ । राईले हाँकेको बीएमडब्ल्यू र अर्को कार ठोक्किएपछि दुवै कार मूलबाटो छोडेर किनारामा रोकिएकोमा कारबाट निस्केने क्रममा राईलाई मालबाहक ट्रकले ठक्कर दिएको थियो । प्रहरीले सो घटनाका बारेमा सीसीटीभी फुटेज कसैसँग भए उपलब्ध गराउन अपील गरेको छ ।

नेपालको पूर्वी जिल्ला भोजपुर पुर्ख्यौली घर भएका राई टुआरजीआरमा कार्यरत थिए । ३२ वर्ष सेवा गरेपछि उनी केही महिनाअघि मात्र सेवाबाट अवकाश पाएका थिए । उनी हाल ब्राकनेलमा बस्दै आएका थिए । स्व राईको श्रीमती र दुई छोरी छन् ।

मेजर गणेश राई कला, साहित्य र संगीत भनेपछि हुरुक्क हुने स्वभावको रहेको किरात राई यायोख्याका कार्यवाहक महासचिव ईश्वर चाम्लिङ राईले बताए । उनमा बाजा बजाउने, गाउने र नाँच्ने बहुमुखी प्रतिभा थियो । दोस्रो विश्वयुद्ध लडेका आफ्ना बाबुको प्रेरणाले उनी पनि भर्ती भएका थिए ।

प्रकाशित मिति: सोमबार, मंसिर १८, २०८० १२:०२

प्रतिक्रिया दिनुहोस्