तमु धीं यूकेको आजीवन सदस्य रात्रिभोज शनिबार

कर्मभूमि बेलायत

Home
कर्मभूमि बेलायत
तमु धीं यूकेको आजीवन सदस्य रात्रिभोज शनिबार

तमु धीं यूकेको आजीवन सदस्य रात्रिभोज शनिबार

गोर्खा मिडिया संवाददाता शुक्रबार, असोज ३०, २०८३

लन्डन । तमु धीं यूकेले शनिबार, १७ अक्टोबरमा आजीवन सदस्य रात्रिभोज गर्दै छ । अल्टरसटस्थित Empire Banqueting Hall मा आजीवन सदस्य रात्रिभोज गर्न लागेको हो ।

मैत्रीपूर्ण भेटघाट र अपरिचितबिच परिचित हुने, तमुहरूको एकता र सशक्तीकरणलाई अझ दरिलो बनाउने, नयाँ आजीवन सदस्यलाई स्वागत गर्ने र संस्थाका लागि योगदान दिएका उत्कृष्ट समाजसेवीलाई ‘आदर्श तमु’ घोषणा गरी सम्मान गर्ने उद्देश्यसहित कार्यक्रम आयोजना गर्न लागिएको जनाइएको छ ।

यसैगरी, सो अवसरमा राफल ड्र, बेस्ट तमु तथा तमुस्यो पोसाक पुरस्कारलगायत कार्यक्रम हुनेछन् ।

सबैलाई आफ्नै कार्यक्रम सम्झेर उपस्थित हुन संस्थाका वरिष्ठ उपाध्यक्ष एवं कार्यक्रम संयोजक परशु गुरुङले अनुरोध गरेका छन् । कार्यक्रममा गायिका पवित्र गुरुङ र प्रिया गुरुङले प्रस्तुति दिनेछन् ।

तमुहरूको भेषभुषा र पहिचानलाई कदर र गर्व गर्दै सबैजना अनिवार्य रूपमा तमु पोसाकमा उपस्थित हुन पनि उनले अनुरोध गरे ।

प्रकाशित मिति: शुक्रबार, असोज ३०, २०८३ १७:४५

प्रतिक्रिया दिनुहोस्