लन्डन । बेलायत र नेपाल सरकार (जीटुजी) तथा भूतपूर्व गोर्खा प्रतिनिधिहरु सम्मिलित तेश्रो चरणको वार्ता १५ र १६ डिसेम्बर २०२२ का दिन हुने भएको छ ।
बेलायती रक्षामन्त्रालयका तर्फबाट संयोजक तथा इन्टरनेशनल पोलिसी एन्ड स्ट्राटेजीका स्क्वाड्रोन लिडर गेभिन रिचार्डसनले १५ डिसेम्बर बिहान १० बजे वेल्फेयर र १६ डिसेम्बर बिहान १० बजे पेन्सन सवालमा छलफलका लागि प्रस्ताव गरेका हुन् ।
लन्डनस्थित नेपाली दूतावासका सैनिक सहचारी कर्णेल रत्न गोदारले वार्ताबारे बुधबार जानकारी दिएको गोर्खा सत्याग्रह संयुक्त संघर्ष समितिका प्रमुख संयोजक कृष्णबहादुर राईले बताए ।
तेश्रो चरणको वार्ता दोश्रो जस्तै प्राविधिक तहमा हुने पनि प्रमुख संयोजक राईले बताए । उनले भने, ‘वार्ता सकारात्मक ढंगले अगाडि बढिरहेको छ । के के प्राप्ति हुन्छ अहिले नै भन्न नसकिएपनि मार्चभित्र उपलब्धिमूलक वार्ता हुनेमा हामी आशावादी छौं ।’
यसअघि गत ३० नोभेम्बर बुधबार लन्डनस्थित नेपाली दूतावासमा भूतपूर्व गोर्खा प्रतिनिधि समेतको सहभागितामा नेपाल र बेलायत सरकारका प्रतिनिधिहरुबीच प्राविधिक तहमा वार्ता भएको थियो । उक्त वार्तामा पहिलोपटक पेन्सन विषयमा गहन छलफल भएको थियो ।
गत ३ नोभेम्बरमा मन्त्रिस्तरिय पहिलो वार्तापछि त्यसैको निरन्तरता स्वरुप चरणवद्ध वार्ता अगाडि बढेको हो । भूतपूर्व गोर्खाका लागि ब्रिटिश सैनिकसरह समान पेन्सन, पूरक पेन्सन, अंगभंग भएका मृतकको परिवारका लागि एकमुष्ट भुक्तानी, कल्याणकारी कार्य लगायत एजेण्डामा वार्ता केन्द्रित छ ।
-1732408259.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
