कांग्रेस सभापति गगन थापाद्वारा शपथ ग्रहण र पदबहाली

मातृभूमि नेपाल

Home
मातृभूमि नेपाल
कांग्रेस सभापति गगन थापाद्वारा शपथ ग्रहण र पदबहाली

कांग्रेस सभापति गगन थापाद्वारा शपथ ग्रहण र पदबहाली

गोर्खा मिडिया संवाददाता आइतबार, कात्तिक १, २०८३

पोखरा । नेपाली कांग्रेसका नवनिर्वाचित सभापति गगनकुमार थापाले पद तथा गोपनीयताको शपथ ग्रहण गरी पदभार सम्हालेका छन् । बडादसैँको फूलपातीका अवसरमा शनिबार दिउँसो ललितपुरको सानेपास्थित पार्टी केन्द्रीय कार्यालय बीपी स्मृति भवनमा आयोजित विशेष समारोहमा उनले शपथ लिएका हुन् ।

पार्टीको केन्द्रीय निर्वाचन समितिका पदाधिकारीले नवनिर्वाचित सभापति थापालाई पद तथा गोपनीयताको शपथ गराएका हुन् । शपथ ग्रहणलगत्तै उनले सानेपास्थित केन्द्रीय कार्यालय पुगेर पार्टी सभापतिको कार्यकक्षमा पदबहाली गरेका छन् ।

कांग्रेस केन्द्रीय कार्यालयका अनुसार नवनिर्वाचित केन्द्रीय समितिका बाँकी पदाधिकारी तथा सदस्यहरूको शपथ ग्रहण भने दसैँलगत्तै आयोजना गरिनेछ । धेरैजसो निर्वाचित प्रतिनिधिहरू दसैँ मनाउन गृहजिल्लातर्फ गइसकेकाले सभापतिको मात्रै शपथ गराइएको हो ।

नेपाली कांग्रेसको १५औँ महाधिवेशनअन्तर्गत गत असोज २३ गते नयाँ नेतृत्व चयनका लागि मतदान भएको थियो । त्यसपछि राष्ट्रिय सभागृहमा सुरु भएको सभापति पदको मतगणना असोज २४ गते सकिँदा गगनकुमार थापा भारी मतका साथ सभापतिमा निर्वाचित भएका थिए ।

केन्द्रीय समितिका बाँकी पदहरूको मतगणना भने सानेपास्थित पार्टी कार्यालयमा गरिएको थियो। असोज ३० गते बिहान मधेस र बागमती प्रदेशको मतपरिणाम आएसँगै महाधिवेशनको सम्पूर्ण मतगणना कार्य सकिएको हो ।

प्रकाशित मिति: आइतबार, कात्तिक १, २०८३ १३:३२

प्रतिक्रिया दिनुहोस्