दसैँ बिदामा अस्पतालका अत्यावश्यक सेवा नियमित राख्न निर्देशन

मातृभूमि नेपाल

Home
मातृभूमि नेपाल
दसैँ बिदामा अस्पतालका अत्यावश्यक सेवा नियमित राख्न निर्देशन

दसैँ बिदामा अस्पतालका अत्यावश्यक सेवा नियमित राख्न निर्देशन

गोर्खा मिडिया संवाददाता शनिबार, असोज ३१, २०८३

काठमाडौं । स्वास्थ्य तथा खाद्य स्वच्छता मन्त्रालयले दसैँ बिदामा पनि अस्पतालका अत्यावश्यक स्वास्थ्य सेवा नियमित सञ्चालन गर्न निर्देशन दिएको छ ।

मन्त्रालयले प्रदेशका स्वास्थ्य हेर्ने मन्त्रालय र सबै संघीय सरकारी अस्पताललाई आवश्यक स्वास्थ्यकर्मी तथा कर्मचारीको व्यवस्थापन गरी आकस्मिक, शल्यक्रिया, प्रसूति र सघन उपचार सेवा नियमित राख्न आग्रह गरेको हो ।

मन्त्रालयले बिदाका समयमा अस्पताल पूर्ण रूपमा बन्द नगर्न र अत्यावश्यक सेवा कुनै पनि अवस्थामा अवरुद्ध हुन नदिन निर्देशन दिएको छ । साथै, आवश्यक औषधि, स्वास्थ्य उपकरण, रगत तथा रक्तजन्य पदार्थ र अन्य स्वास्थ्य सामग्री पर्याप्त मौज्दात राख्न भनेको छ ।

सेवा प्रवाहका क्रममा देखिने समस्या र गुनासो तत्काल सम्बोधन गर्न अस्पतालले एक जना सम्पर्क व्यक्ति तोक्नुपर्नेछ । ती व्यक्तिको नाम, पद, सम्पर्क नम्बर र ड्युटी रोस्टरसहितको विवरण मन्त्रालयले तोकेको इमेलमा पठाउन पनि निर्देशन दिइएको छ ।

मन्त्रालयले दसैँ बिदाभर नागरिकले सहज रूपमा आवश्यक स्वास्थ्य सेवा पाउने सुनिश्चित गर्न निर्देशनको प्रभावकारी कार्यान्वयन र अनुगमन गर्न सम्बन्धित निकायलाई आग्रह गरेको छ ।

प्रकाशित मिति: शनिबार, असोज ३१, २०८३ ११:३२

प्रतिक्रिया दिनुहोस्