लन्डन । क्वोंने (घोताने/घोण्डे) गुरुङ (तमु) समाज यूकेको सातौं भाइखलक तथा चेलीबेटीहरु वार्षिक भेटघाट कार्यक्रम धुमधामका साथ सम्पन्न भएको छ ।
क्वोंने (घोताने/घोण्डे) गुरुङ (तमु) समाज यूकेका अध्यक्ष क्या पिताम्बर गुरुङको अध्यक्षमा नेपालबाट आमन्त्रित चर्चित कलाकारहरुको सांगीतिक प्रस्तुतिसहित अल्डरसटस्थित एम्पायर हलमा ११ फेब्रुअरी २०२३ शनिबार वार्षिक भेटघाट भएको हो । कार्यक्रम प्रमुख अतिथि जेष्ठ नागरिक धनबहादुर गुरुङ, समाजका अध्यक्ष क्या पिताम्बर गुरुङ र चेलीबेटी प्रमुख चन्द्रदेवी गुरुङले पानसमा दीप प्रज्ज्वलन गरी उद्घाटन गरेका थिए । कार्यक्रममा प्रारम्भ अघि प्रमुख अतिथिलगायतलाई पाइपर धुनसहित हल प्रवेश गराइएको थियो । आगन्तुक चेलीबेटीलाई प्रवेशद्वारमा मासको टीका र दक्षिणासहित क्वोंने (घोताने/घोण्डे) गुरुङ (तमु) समाज यूकेका वरिष्ठ प्रमुख सल्लाहकार हरिगोविन्द गुरुङ र उनकी श्रीमती गौमाया गुरुङले स्वागत गरेका थिए । उद्घाटनपछि नेपाली राष्ट्रिय गान बजाइएको थियो ।
कार्यक्रमस्थलको स्वास्थ्य र सुरक्षासम्बन्धी जानकारी सञ्चालक तथा महासचिव इन्द्र घोतानेले गराएका थिए । उपाध्यक्ष कुमार गुरुङले स्वागत मन्तव्य र कार्यक्रमको उद्देश्य र महत्वबारे प्रस्ट पारेका थिए ।
भेटघाट कार्यक्रममा प्रमुख अतिथि जेष्ठ नागरिक धनबहादुर गुरुङले आफूलाई सम्झेर कार्यक्रममा बोलाइएकोमा आयोजक संस्थालाई धन्यवाद दिएका थिए । उनले क्वोंने (घोताने/घोण्डे) गुरुङ (तमु) समाज यूके आगामी दिनमा झनै फस्टाओस् भन्ने शुभकामना व्यक्त गरे ।
क्वोंने (घोताने/घोण्डे) गुरुङ (तमु) समाज यूके चेलीबेटी प्रमुख चन्द्रदेवी गुरुङले मन्तव्य राख्दै संस्थाले हालसम्म गरेका काम, उपलब्धि र भावी योजनाबारे जानकारी गराएकी थिइन् । गत वर्षदेखि चेलीबेटीहरुको तर्फबाट माइतीको सम्झनामा शुभदिपावली मनाउन सुरु गरिएको जनाउँदै चेलीबेटीको अहिलेसम्म ७३ जना आजीवन सदस्यता बनिसकेको पनि उनले बताइन् ।
यस्तै क्वोंने (घोताने/घोण्डे) गुरुङ (तमु) समाज नेपालमा भवन निर्माणका लागि जग्गा खरितार्थ आफ्नो संयोजकत्वमा नेपाली २२ लाख ८७ हजार ११२ आर्थिक सहयोग संकलन गरिएको चेलीबेटी प्रमुख चन्द्रदेवी गुरुङले सो अवसरमा जानकारी दिइन् ।
क्वोंने (घोताने/घोण्डे) गुरुङ (तमु) समाज नेपालका अध्यक्ष विश्व (भूमि) गुरुङको भिडियो शुभकामना प्रसारण गरिएको थियो भने क्वोंने (घोताने/घोण्डे) गुरुङ (तमु) समाज यूके चेलीबेटी महासचिव लिना गुरुङले शुभकामना मन्तव्य दिइन् । 
कार्यक्रममा यस वर्ष यूकेस्थित विभिन्न संघसंस्था अनि राजनीतिक पार्टीका भ्रातृ संगठनहरुका विभिन्न पदमा नियुक्त तथा निर्वाचित दाज्यूभाइ तथा भाइखलकहरुलाई बधाई तथा शुभकामना दिइएको थियो । जसमा क्वोंने (घोताने/घोण्डे) गुरुङ (तमु) समाज यूकेका सल्लाहकार दिलीप गुरुङ एमबिई, सहारा यूकेका संस्थापक अध्यक्ष नवीन गुरुङ, काउन्सिलरद्वय कमल गुरुङ र लक्ष्य गुरुङ, सल्लाहकार मोहन गुरुङ, क्वोंने (घोताने/घोण्डे) गुरुङ (तमु) समाज यूके उपाध्यक्ष कुमार गुरुङ, चेलीबेटी समूहकी उपाध्यक्ष पञ्च गुरुङ, तमुधिं यूकेका अध्यक्ष हरि गुरुङ, म्हनेपा आमा संघ आमा अध्यक्ष यामकुमारी [दिलु] क्वोंन्स्यो>लगायतलाई सम्मान गरिएको थियो । दिलीप गुरुङ एमबीई र नवीन गुरुङलाई प्रमाणपत्रसहित र अन्य पुरुषलाई फेटा, खादा र महिलालाई सल, खादासहित प्रमुख अतिथि गुरुङ, अध्यक्ष गुरुङ र चेलीबेटी प्रमुखले सम्मान गरेका थिए ।
उत्कृष्ट तमु पोसाक लगाउनेमध्येबाट श्रीमती निर्मला गुरुङ र श्री खड्का गुरुङ दम्पती पुरस्कृत भएका थिए । नगद राशि र प्रशंसा पत्र पाएका थिए । पोसाकको निर्णायकमा भने तमु समाज यूकेका संस्थापक अध्यक्ष तथा क्वोंने (घोताने/घोण्डे) गुरुङ (तमु) समाज यूकेका सल्लाहकार चित्रबहादुर गुरुङ थिए ।
औपचारिक कार्यक्रम अध्यक्ष क्या गुरुङले विधिवत् रुपमा मन्तव्यसहित समापन गरेका थिए । लगत्तै सांस्कृतिक तथा चिठ्ठा कार्यक्रम चलेको थियो । सांस्कृतिक कार्यक्रम बिमल गुरुङ र ममता गुरुङले चलाएका थिए । चेली तथा ज्वाइँ रन्जु गुरुङ र विष्णु गुरुङको नृत्य, भान्जा विशन र भान्जी पुजनको नृत्य, चेलीहरु माइला-कान्छा (पार्वती गुरुङ र माया गुरुङ) तथा कविता गुरुङको नृत्यले कार्यक्रममा रौनकता थपेको थियो भने नेपालबाट आमन्त्रित चर्चित लोकदोहोरी गायिका रुपा घर्तीमगर र यूकेका चर्चित गायिका ममता गुरुङको प्रस्तुतिमा सहभागीहरु बेस्सरी रमाएका थिए । ककटेल नाचसमेत समेटिएको कार्यक्रममा भाग्यशाली चिठ्ठा चरणसहित मध्यराति समापन भएको थियो ।
राफल ड्र का पुरस्कारहरु ७ वटा व्यवस्था थियो । पहिलो पुरस्कार सुनको चन्द्रमा चेलीबेटी प्रमुख चन्द्रदेवी गुरुङले प्रायोजन गरेकी थिइन् । दोस्रो पुरस्कार १५० पाउन्ड बराबरको गिफ्ट ह्याम्पर हाइल्यान्ड पसल अल्डरसटबाट मनदेवी गुरुङ, तेस्रो पुरस्कार १०५ पाउन्ड नगद चेलीबेटीका पूर्वप्रमुख राजकुमारी गुरुङले प्रायोजन गरेकी थिए । चौथो पुरस्कार एक सय पाउन्ड प्रायोजन चेलीबेटी उपाध्यक्ष पञ्च गुरुङ र सुकबहादुर गुरुङले गरेका थिए । पाँचौं पुरस्कार ५० पाउन्ड चेलीबेटीकी कार्यकारी सदस्य जगनकुमारी गुरुङ र हर्कबहादुर गुरुङले दिएका थिए । छैटौं पुरस्कार अल्पना गुरुङ र सातौं पुरस्कार मौलिक पहिरन यामकुमारी दिलु गुरुङले प्रायोजन गरेको चेलीबेटी प्रमुख चन्द्रदेवी गुरुङले जानकारी दिइन् ।
कार्यक्रममा माइती पक्षलाई कोसेलीस्वरुप चेलीबेटीको तर्फबाट नगद ३ हजार ५ पाउन्ड चेलीबेटी प्रमुख चन्द्रदेवी गुरुङले हस्तान्तरण गरेकी थिइन् । कार्यक्रममा घोताने/घोण्डे चेलीबेटीहरु तथा ज्वाइँहरुलाई प्रवेश नि:शुल्क र भाइखलकलाई प्रतिव्यक्ति २५ पाउन्ड प्रवेश शुल्क लिइएको थियो । कार्यक्रमको अन्तमा अध्यक्ष क्या पिताम्बर गुरुङले मायाको चिनोसहित लोकदोहोरी गायिका रुपा घर्तीमगर, गोर्खा मिडियाका प्रबन्ध निर्देशक मिलन तमु, एम्पायर सञ्चालकहरु नारायण गिरी, राजकुमार गुरुङ, डिजे र मास्टर सेफहरुलाई सम्मान गरेका थिए ।
-1732095969.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
