तमु धीं लन्डन इकाई आमा समूहको तीज कार्यक्रम स्थगित, बाढीपीडितलाई सहयोग दिने

कर्मभूमि बेलायत

Home
कर्मभूमि बेलायत
तमु धीं लन्डन इकाई आमा समूहको तीज कार्यक्रम स्थगित, बाढीपीडितलाई सहयोग दिने

तमु धीं लन्डन इकाई आमा समूहको तीज कार्यक्रम स्थगित, बाढीपीडितलाई सहयोग दिने

गोर्खा मिडिया संवाददाता बिहीबार, भदौ १८, २०८३

लन्डन । तमु धीं लन्डन इकाई आमा समूहको तीज कार्यक्रम स्थगित भएको छ । इकाईका अध्यक्ष भरत गुरुङको अध्यक्षतामा बसेको आकस्मिक भर्चुअल जुम बैठकले तमु धीं आमा समूहले आगामी १२ सेप्टेम्बरमा गर्ने भनिएको हरितालिका तीज कार्यक्रम स्थगित गर्ने निर्णय गरेको हो ।

बाढीका कारण नेपाल नै शोकमा रहेको समयमा मनोरञ्जनात्मक कार्यक्रम गर्न उचित नहुने भएकाले स्थगित गरिएको तमु धीं लन्डन इकाई आमा समूह अध्यक्ष देवकला गुरुङ र कार्यक्रम संयोजक एवं आमा समूहकी वरिष्ठ उपाध्यक्ष बिनु गुरुङले जानकारी दिए।

साथै, उक्त बैठकले बाढीपीडित परिवारहरूको राहत तथा सहयोगको लागि इकाईको केन्द्र तमु धीं यूकेले घोषणा गरेको १ करोड १ हजार रुपैयाँ संकलन गर्ने अभियानमा तमु धीं लन्डन इकाईबाट १ हजार तथा आमा समूहको तर्फबाट १ हजार पाउन्ड प्रदान गर्ने निर्णयसमेत गरेको छ ।

उक्त जानकारी संस्थाका महासचिव विकास रक गुरुङले दिएका हुन् । बैठकमा पदाधिकारीहरू, ट्रस्टिज तथा पूर्वअध्यक्ष दीपक गुरुङ डेभिड, निवर्तमान अध्यक्ष विष्णु गुरुङ, तमु धीं यूकेका उपाध्यक्ष तथा इकाईकी ट्रस्टिज दिलमाया गुरुङ, आमा समूह निवर्तमान अध्यक्ष कमला गुरुङ, सांस्कृतिक सचिव तमु धीं यूकेका पूर्वकोषाध्यक्ष कुमार गुरुङ, सल्लाहकार शान्त बहादुर गुरुङ, धन बहादुर गुरुङ, मिडिया सचिव सुशील गुरुङलगायतको उपस्थिति थियो ।

प्रकाशित मिति: बिहीबार, भदौ १८, २०८३ १४:१३

प्रतिक्रिया दिनुहोस्