बेलायतको रेडिङमा आगामी जुलाईमा ‘समर बिबिबक्यु २०२६’ आयोजना हुने

कर्मभूमि बेलायत

Home
कर्मभूमि बेलायत
बेलायतको रेडिङमा आगामी जुलाईमा ‘समर बिबिबक्यु २०२६’ आयोजना हुने

बेलायतको रेडिङमा आगामी जुलाईमा ‘समर बिबिबक्यु २०२६’ आयोजना हुने

गोर्खा मिडिया संवाददाता बिहीबार, असार २५, २०८३

बेलायत । सन् २००३ मा स्थापना भएको 'रेडिङ तमु समाज' ले आगामी सन् २०२६ जुलाई ११ तारिखका दिन भव्य 'समर बिबिबक्यु २०२६' आयोजना गर्ने भएको छ। रेडिङस्थित टिपिएलएस युके कम्युनिटी सेन्टरमा दिउँसो १२ बजेदेखि सुरु हुने यस विशेष कार्यक्रममा विविध मनोरञ्जनात्मक तथा सांस्कृतिक प्रस्तुतिहरु रहने आयोजकले जानकारी दिएको छ ।

कार्यक्रममा चर्चित कलाकारहरु मन्जु विक, शर्मिला गुरुङ (सरु) र दुर्गा गुरुङका साथै स्थानीय कलाकारहरुले समेत आफ्नो बेजोड सांगीतिक प्रस्तुति दिनेछन् । आयोजकका अनुसार यस कार्यक्रममा सांस्कृतिक झाँकी तथा प्रस्तुतिहरूका साथै विभिन्न रमाइला खेलहरु, राफल ड्र र स्वादिलो बिबिबक्युको समेत व्यवस्था गरिएको छ।

कार्यक्रममा सहभागी हुनका लागि ६ देखि १२ वर्षसम्मका बालबालिकाहरुलाई १० पाउण्ड र अन्यलाई प्रतिव्यक्ति २० पाउण्ड प्रवेश शुल्क तोकिएको छ। कार्यक्रमका लागि आवश्यक तयारीहरु सुरु भइसकेको जानकारी दिँदै थप जानकारीका लागि ०७४२८२७०६६१, ०७४६२००६४६० र ०७७९५९५१३२१ मा सम्पर्क गर्न सकिने आयोजकले बताएको छ।

प्रकाशित मिति: बिहीबार, असार २५, २०८३ ००:३५

प्रतिक्रिया दिनुहोस्