जीटूजीको अन्तिम तयारीबारे बिजिडब्लुएसका अध्यक्ष देवानले दिए जानकारी

कर्मभूमि बेलायत

Home
कर्मभूमि बेलायत
जीटूजीको अन्तिम तयारीबारे बिजिडब्लुएसका अध्यक्ष देवानले दिए जानकारी

जीटूजीको अन्तिम तयारीबारे बिजिडब्लुएसका अध्यक्ष देवानले दिए जानकारी

लन्डन। ब्रिटिश गोर्खा वेलफेयर सोसाइटी (BGWS) को गत ४ जुनमा जुम बैठक सफलतापूर्वक सम्पन्न भयो । बैठकमा अधिकतम सदस्यहरूको सहभागिता रहेको थियो।

बैठकमा कोषाध्यक्षद्वारा आर्थिक विवरण प्रस्तुत गरिएको थियो। महासचिवद्वारा आउँने जुलाई ४ मा हुने वार्षिक भेटघाट सम्बन्धी संक्षिप्त जानकारी तथा जनसम्पर्क विभागबाट GWPL र BGWS को प्रगति र हालैमा गरिएका कामहरुबारे चर्चा गरिएको थियो।

अध्यक्ष - मे. रि. टिकेन्द्र दल देवान जे पी ले सदस्यहरुलाई मिटिङमा उपस्थित भैदिएकोमा धन्याबाद दिदै ब्रिफिङ शुरु गरेका थिए। बैठकको मुख्य केन्द्रबिन्दु आगामी ८ जुनमा लन्डनस्थित नेपाली राजदूतावासमा हुने महत्वपूर्ण बैठक रहेको थियो। यस बैठकमा पहिलो पटक नेपालका परराष्ट्रमन्त्री (भर्चुअल माध्यमबाट) र बेलायतका रक्षा मन्त्रीको सहभागी हुने कार्यक्रम रहेको छ। यस बैठकप्रति सबैको अपेक्षा उच्च रहेको छ। तथापि, नतिजा गोर्खा समुदायको पक्षमा नआएमा G10 सँग आफ्ना थप रणनीति तथा कार्ययोजना तयार रहेको जानकारी गराइयो।

प्रारम्भिक रूपमा २० मेका लागि तय गरिएको बैठकलाई बेलायती रक्षा मन्त्रालय (MoD) ले पछि सारेर ८ जुनका लागि निर्धारण गरेको हो। मुख्य बैठकअघि G10 को नेपालका परराष्ट्रमन्त्रीसँग छुट्टै बैठक हुने भएकोछ। हामी सबै यस अवसरप्रति उत्साहित छौं तर MoD का सम्भावित रणनीति तथा चालबाजीबारे सचेत रहन पनि आवश्यक छ। त्यसैले अध्यक्षज्यूले सम्पूर्ण सदस्यहरूलाई राजदूतावास बाहिर उपस्थित भई ऐक्यबद्धता र समर्थन गर्न आग्रह गरेकोछ। यो संघर्षको निर्णायक चरण हुन सक्ने विश्वास व्यक्त गरेकोछ।

गोर्खाहरूले समानताको अधिकार प्राप्तिका लागि करिब ४० वर्षदेखि निरन्तर संघर्ष गर्दै आएका छन्। अब यो लामो संघर्ष र अन्यायको अध्याय अन्त्य गर्ने समय आएको छ। देवानले भने। सदस्यहरुबाट उठाइएका प्रश्नहरुको जवाफ अध्यक्ष देवानले दिएका थिए। कार्यक्रय पीआर प्रकाश गुरुङले संचालन गरेका थिए।

प्रकाशित मिति: शुक्रबार, जेठ २२, २०८३ १४:२६

प्रतिक्रिया दिनुहोस्