स्त्रीरोग विशेषज्ञ डा. देवी गुरुङको निधन

कर्मभूमि बेलायत

Home
कर्मभूमि बेलायत
स्त्रीरोग विशेषज्ञ डा. देवी गुरुङको निधन

स्त्रीरोग विशेषज्ञ डा. देवी गुरुङको निधन

गोर्खा मिडिया संवाददाता बिहीबार, जेठ १४, २०८३

लन्डन । स्त्रीरोग विशेषज्ञ डा. देवी गुरुङको निधन भएको छ । गुरुङको उपचारका क्रममा सोमबार लन्डनमा निधन भएको हो ।

उनी एक वर्षयता उपचाररत थिइन् । कास्कीको तानचोक पात्लेखेतमा सन् १९६१ मा जन्मिएकी डा. गुरुङ नेपालमा स्त्रीरोग विशेषज्ञका रूपमा परिचित थिइन् ।

२५ वर्षभन्दा बढी समय काठमाडौँको थापाथलीस्थित प्रसूति अस्पतालमा सेवा दिएकी थिइन् । एक वर्षअघि मात्र सेवा निवृत्त भएकी थिइन् ।

उनी तमु समाज यूके आमा समूहका पूर्वअध्यक्ष अध्यक्ष माया गुरुङकी भाउजू हुन् । उनका श्रीमान् ल्वाङघले निवासी पूर्वब्रिटिस गोर्खा सैनिक 6GR का Ex. WO2 देउकाजी गुरुङ हुन् ।

डा. गुरुङ र देउकाजी गुरुङबीच ५० वर्षअघि विवाह भएको थियो । उनीहरूका एक छोरा, बुहारी तथा नातिनातिना रहेका छन् ।

पार्थिव शरीरको अन्त्येष्टि कार्यक्रम लामा गुरुहरूद्वारा लन्डनस्थित हेन्डोन सेमेट्री एण्ड क्रिमेटोरियममा आउने शनिबार, ३० मेका दिन दिउँसो २ बजे हुने जानकारी निकट परिवारका सदस्यहरूले बताएका छन् ।

प्रकाशित मिति: बिहीबार, जेठ १४, २०८३ २१:३०

प्रतिक्रिया दिनुहोस्