लक्ष्य गुरुङ बेलायतको स्थानीय निर्वाचनमा लण्डन बरो अफ बार्नेटको Conservative पार्टीबाट पुनः Councillor निर्वाचित

कर्मभूमि बेलायत

Home
कर्मभूमि बेलायत
लक्ष्य गुरुङ बेलायतको स्थानीय निर्वाचनमा लण्डन बरो अफ बार्नेटको Conservative पार्टीबाट पुनः Councillor निर्वाचित

लक्ष्य गुरुङ बेलायतको स्थानीय निर्वाचनमा लण्डन बरो अफ बार्नेटको Conservative पार्टीबाट पुनः Councillor निर्वाचित

गोर्खा मिडिया संवाददाता शुक्रबार, वैशाख २५, २०८३

बेलायत । मे ७ मा सम्पन्न बेलायतको स्थानीय निर्वाचनमार्फत लण्डन बरो अफ बार्नेटको Conservative पार्टीबाट पुनः Councillor पदमा चयन भएका छन्।

यसअघि लण्डन बरो अफ बार्नेटको Deputy Mayor जस्तो गरिमामय जिम्मेवारी कुशलतापूर्वक सम्हालिसकेका गुरुङले आफ्नो निर्वाचन क्षेत्रमा पुनः पकड जमाउन सफल भएका हुन्। उनी लामो समयदेखि बेलायती राजनीति र स्थानीय नेपाली समुदायको सामाजिक उत्थानमा निरन्तर सक्रिय रहँदै आएका छन्।

बहुमुखी व्यक्तित्वका धनी गुरुङ TDUK का सल्लाहकार तथा तमुधीं लण्डन इकाईका प्रमुख सल्लाहकार समेत हुन् । यसका साथै उनले Burnt Oak Nepalese Community को पूर्व अध्यक्षको रूपमा समेत प्रभावकारी नेतृत्व प्रदान गरिसकेका छन् । उनको यो जितले बेलायतमा रहेका नेपालीहरूको राजनीतिक प्रतिनिधित्वलाई थप सुदृढ बनाएको स्थानीयले बताए ।

लक्ष्य गुरुङ पुनः निर्वाचित भएपछि तमुधीं यूके लण्डन इकाई परिवारले विशेष खुसी व्यक्त गरेको छ। इकाईका अध्यक्ष भरत गुरुङ तथा सम्पूर्ण कार्यसमितिले उनलाई सफल कार्यकालको हार्दिक शुभकामना दिँदै बधाई ज्ञापन गरेका छन् । गुरुङको नेतृत्व र अनुभवले आगामी दिनमा पनि समुदायको हितमा महत्त्वपूर्ण भूमिका खेल्ने विश्वास आफूहरूले लिएको उनीहरूले बताए ।

प्रकाशित मिति: शुक्रबार, वैशाख २५, २०८३ २२:०८

प्रतिक्रिया दिनुहोस्