ईलमपोखरी समाज यूकेको पदाधिकारी र सल्लाहकारबीच बैठक सम्पन्न

कर्मभूमि बेलायत

Home
कर्मभूमि बेलायत
ईलमपोखरी समाज यूकेको पदाधिकारी र सल्लाहकारबीच बैठक सम्पन्न

ईलमपोखरी समाज यूकेको पदाधिकारी र सल्लाहकारबीच बैठक सम्पन्न

गोर्खा मिडिया संवाददाता सोमबार, चैत १६, २०८२

लन्डन । ईलमपोखरी समाज यूकेको कार्य समितिका पदाधिकारी र सल्लाहकारहरूको पहिलो संयुक्त बैठक सम्पन्न भएको छ ।

२८ मार्च शनिबारका दिन सम्पन्न बैठकले विभिन्न विषयमा छलफल गरी निर्णय गरेको थियो । बैठकले १५ नोभेम्बर २०२५ मा सम्पन्न भएको वार्षिक साधारण सभामा निर्णय भए अनुरूप समाजका कुनै सदस्यको निधन हुँदा सदस्यबाट १० पाउन्डका दरले स्योरा संकलन गर्ने प्रचलन जारी राख्ने निर्णय गरेको छ ।

शोकाकुल परिवारलाई सान्त्वना स्वरूप १ हजार पाउन्ड समाजको कोषबाट तुरुन्त प्रदान गरिनेछ । बाँकी रकम दुई महिनापछि शोकाकुल परिवारलाई बुझाइनेछ । स्यौरा सम्बन्धी निर्णय भएका बुँदा तथा अन्य महत्त्वपूर्ण विषय समावेश गरी समाजका अध्यक्ष र सचिवले समाजको विधान संशोधन गर्ने निर्णयसमेत भएको छ ।

660007076_1227146102740596_4276326887937771996_n-1774882918.jpg
बैठकमा २० डिसेम्बर २०२५ मा आयोजना भएको ल्होछार पर्वको समीक्षा पनि गरिएको थियो । कोषाध्यक्ष शिवराम गुरुङले उक्त कार्यक्रमको आयव्यय प्रस्तुत गरेका थिए ।

अध्यक्ष परशु गुरुङले समाजले आयोजना गर्ने वर्षभरका कार्यक्रमको कार्य तालिका पनि प्रस्तुत गरेका थिए । समाजले आयोजना गरेको बैठक तथा कार्यक्रममा कार्यसमितिका पदाधिकारी, सल्लाहकार तथा सदस्यहरू नियमित उपस्थित भई सक्रियताका साथ समाजको बृहत् हितको लागि चासो देखाउन पनि उनले अनुरोध गरेका थिए ।

अन्त्यमा अध्यक्ष गुरुङले बैठकमा उपस्थित कार्यसमितिका पदाधिकारी तथा सल्लाहकारहरूलाई धन्यवाद ज्ञापन गर्दै बैठक समापन गरेका थिए ।

प्रकाशित मिति: सोमबार, चैत १६, २०८२ २०:४७

प्रतिक्रिया दिनुहोस्