चौतारी [कविता] - रोनाल्ड गुरूङ :: Gurkha Media

Mon 2, March, 2026 सोमबार, फागुन १८, २०८२

DD London

DD London

EG pharmecy

EG pharmecy

Peepal NEws

Peepal NEws

Universal

Universal

Paper work

Paper work

साहित्य

Home
साहित्य
चौतारी [कविता]

चौतारी [कविता]

रोनाल्ड गुरूङ

रोनाल्ड गुरूङ सोमबार, माघ २६, २०८२

म एउटा चौतारी हुँ
मैले बुढापाकाका गफ सुनेको छु
विद्यालय जाँदा–आउँदा
बालबालिकाहरू बस्दै खेलेको देखेको छु ।

एउटा भरियाले
भारी बिसाउँदा
उसको सासको थकान सुनेको छु
कोही–कोही
एकान्त खोज्दै आएर
चुपचाप बसेको पनि बुझेको छु ।

म एउटा चौतारी हुँ
सबैको खुशी, दुःख
त्रास र मेहनत
आँखैअगाडि देखेको छु ।

म हरेक देउरालीमा छु
हरेक गाउँ–गाउँमा छु
म एउटा चौतारी हुँ
सबैको विश्वास जितेको छु ।

तर
मेरो अस्तित्व बिस्तारै मेटिँदै छ
गाउँमा को बाँकी छ र भोलि
यहाँ भारी बिसाउन ?
चौतारीभन्दा धेरै
यहाँ अब बाटो थपिँदै छ ।

मसँग कथाहरू धेरै छन्
तर ती कथाहरू पनि
बिस्तारै मर्दैछन्
म आफै
यो गाउँसँगै
बिस्तारै मर्दैछु ।

यदि कोही आएर
एकपटक मात्र मलाई सोध्ने भए
सोधिदेऊ न
के तिमी साँच्चै ठिक छौ ?

म एउटा चौतारी हुँ
म पनि त एउटा भरिया नै हुँ
मैले पनि
भारी बिसाउँथेँ होला
सबै गाउँलेका लागि
भन्थेँ होला
साँच्चै छु।
म एउटा चौतारी हुँ।

प्रकाशित मिति: सोमबार, माघ २६, २०८२ २३:०२

प्रतिक्रिया दिनुहोस्

Sunlit

Sunlit

थप साहित्य

बिन्ती गुरुङको रैथाने खानाको परिकारसम्बन्धी ‘द लेखाली कुकबुक’ विमोचन शनिबार, फागुन ९, २०८२

म सत्य छु, म म नै छु [कविता] सोमबार, फागुन ४, २०८२

गौरी तमूको कविता संग्रह ‘सैँप्रोल’ काठमाडौँमा विमोचित शनिबार, माघ २४, २०८२

मेरो घर कहाँ गयो होला! बुधबार, माघ २१, २०८२

इच्छुक पत्रकारिता पुरस्कार पिटरलाई शनिबार, माघ १७, २०८२

लोकप्रीय

Week
Month

यो पनि

युनिकोडमा परिवर्तन गर्नुहोस्

युनिकोडमा परिवर्तन गर्नुहोस्

आजको विनिमयदर

आजको विनिमयदर

सुन-चाँदि

सुन-चाँदि

सेयर बजार

सेयर बजार