युके र युरोपका मगर संघबीच आपसी सम्बन्ध र भावी कार्यक्रम सम्बन्धि अन्तरक्रिया

कर्मभूमि बेलायत

Home
कर्मभूमि बेलायत
युके र युरोपका मगर संघबीच आपसी सम्बन्ध र भावी कार्यक्रम सम्बन्धि अन्तरक्रिया

युके र युरोपका मगर संघबीच आपसी सम्बन्ध र भावी कार्यक्रम सम्बन्धि अन्तरक्रिया

गोर्खा मिडिया संवाददाता सोमबार, माघ ९, २०७९

लण्डन । २२ जनवरी २०२३ का दिन मगर संघ युकेको सातौं कार्य समिति माघे संक्रान्तिको कार्यक्रम मनाउन विश्व मगर संघ बेल्जिमको निमंत्रणामा वेल्जियमको लुवेन स्थित एक कार्यक्रममा सहभागी भएका छन् ।
कार्यक्रममा मगर संघका अधक्ष सीता पुन, बरिष्ठ उपाध्यक्ष लालबहादुर पुन, उपाध्यक्ष होम रोका, महासचिव गुमानसिंह थापा, सचिव गोमनसिंह पुन र भवन कोषाध्यक्ष थामबहादुर रोका लगायतको उपस्थिति थियो । कार्यक्रममा अध्यक्ष पुनले शुभकामना मन्तव्यका क्रममा माघे संक्रान्तिको शुभकामना दिदै मगर संघ युकेको आउदै गरेको ४१ औं मगर दिवस र २० औ बार्षिकउत्सवको आधिकारिक निमन्त्रणा बिश्व मगर संघ बेल्जियमका अध्यक्षलाई दिइन् । कार्यक्रममा उपस्थित मगर संघ पोर्तुगलका अध्यक्ष कमल पुनलाई पनि निमन्त्रणा गरेकी थिइन् ।
यस्तै, २२ जनवरी २०२३ का दिन विश्व मगर संघ बेल्जियमको आयोजनामा युकेमा रहेका मगरहरु र युरोपमा रहेका मगरहरु बीचको सम्बन्ध र आगामी भावी कार्यक्रम कसरी अगाढी बढाउने भन्ने वारेमा लुवेनमा एक अन्तरक्रिया कार्यक्रम सम्पन्न भएको छ । उक्त अन्तरक्रिया कार्यक्रममा मगर संघ युकेबाट सहभागी टोलि, मगर संघ पोर्तुगलबाट आएका टोलि र विश्व मगर संघ बेल्जियमबीच छलफल र अन्तरक्रिया भएको थियो ।
अन्तराष्ट्रिय मगर महासंघका महासचिव साथै, जनजाती महासंघ बेल्जियमका अध्यक्ष बिरमान घर्ति मगरबाट मगरहरुको महत्व, संस्कृति, सभ्यता र विकास बारेमा जानकारी गराए । मगर संघ युकेका अध्यक्ष सीता पुन, विश्व मगर संघ बेल्जियमका अध्यक्ष लोक राना, मगर संघ पोर्तुगलका अध्यक्ष कमल पुन, विश्व मगर संघ बेल्जियमका युरोप संयोजक नेत्र आले, मगर संघ युकेका युरोप संयोजक होम रोका लगायतले मन्तव्य राखेका थिए ।

प्रकाशित मिति: सोमबार, माघ ९, २०७९ १५:२३

प्रतिक्रिया दिनुहोस्