यी हुन् एनआरएनएको स्टेरिङ कमिटीको तेस्रो बैठकका ४ निर्णय

प्रमुख समाचार

Home
प्रमुख समाचार
यी हुन् एनआरएनएको स्टेरिङ कमिटीको तेस्रो बैठकका ४ निर्णय

यी हुन् एनआरएनएको स्टेरिङ कमिटीको तेस्रो बैठकका ४ निर्णय

गोर्खा मिडिया संवाददाता बुधबार, पुस ९, २०८२

लन्डन । गैरआवासीय नेपाली संघ (एनआरएनए)को बृहत् एकतापश्चात् गठित स्टेरिङ कमिटीको तेस्रो बैठकले विभिन्न ४ निर्णय गरेको छ ।

२०८२ साल पुस ८ गते (तदनुसार डिसेम्बर २३ २०२५), मंगलबार सम्पन्न बैठकले प्रमुख निर्वाचन आयुक्तसँगको सम्झौता र निर्वाचन आयोगको टोलीसँग समन्वय,कानूनी टोली र परराष्ट्र मन्त्रालयको डायस्पोरा विभागसँग परामर्श बैठक, एनसीसी एकता सहजिकरण समिति कार्यविधि (ToR) स्वीकृति र सदस्यता एकीकरण र नयाँ सदस्यता आवेदनको समीक्षासम्बन्धी निर्णय भएको महासचिवद्वय गौरीराज जोशी र बी.आर लामाले जारी गरेको विज्ञप्तिमा उल्लेख छ ।

स्टेरिङ कमिटीमा अध्यक्षद्वय डा. बद्री केसी (रुस) र महेश कुमार श्रेष्ठ (जापान) सहित रतन झा (अमेरिका), गौरीराज जोशी (अमेरिका), इन्द्र बन (अस्ट्रेलिया), गंगाधर गौतम (बेल्जियम), विनोद श्रेष्ठ (अस्ट्रेलिया), भवानी ओली (अस्ट्रेलिया), आर.के. शर्मा (कतार), विनोद कुँवर (कोरिया) र बी.आर. लामा (अमेरिका) सदस्य रहेका छन् । एनआरएनएको अन्तर्राष्ट्रिय सम्मेलन तथा १२ औँ महाधिवेशन आगामी फेब्रुअरी २३ देखि २५ तारिखसम्म काठमाडौंमा तय गरिएको छ।

स्टेरिङ कमिटीको प्रेस विज्ञप्ति
मितिः २३ डिसेम्बर २०२५
गैरआवासीय नेपाली संघ (एनआरएनए) को बृहत् एकता पश्चात् गठित स्टेरिङ कमिटीको तेस्रो बैठक बैठक मिति २०८२ साल पुस ८ गते (तदनुसार डिसेम्बर २३ २०२५), मंगलबार सम्पन्न भएको छ। बैठक संघका पूर्व अध्यक्ष श्री बिनोद कुँवरको अध्यक्षता र महासचिव श्री बाबुराम (बी.आर.) लामाद्वारा सञ्चालित यस बैठकमा देहायबमोजिमका महत्वपूर्ण छलफल र निर्णयहरू गरिएका छन् ।
1. प्रमुख निर्वाचन आयुक्तसँगको सम्झौता र निर्वाचन आयोगको टोलीसँग समन्वय
यस बैठकमा प्रमुख निर्वाचन आयुक्तसँगको सम्झौता र निर्वाचन आयोगको टोलीसँग समन्वय सम्बन्धमा छलफल गरि निम्नानुसार निर्णय गरिएको छ:
 गैरआवासीय नेपाली संघको आगामी 12 औँ बृहत् महाधिवेशनको निर्वाचन प्रक्रियाका लागि प्रमुख निर्वाचन आयुक्तमा उच्च अदालतका पूर्व न्यायधिश श्रीमान् तेज बहादुर कार्कीज्यूलाई नियुक्त गरिसकिएकोले संघको तर्फबाट आवश्यक लिखित समझदारी गर्ने ।
2. कानूनी टोली र परराष्ट्र मन्त्रालयको डायस्पोरा विभागसँग परामर्श बैठक
 यस बैठकमा विश्व सम्मेलन र वार्षिक साधारण सभा सम्बन्धमा छलफल गरि निम्नानुसार निर्णय गरिएको छ:
 गैरआवासीय नेपाली संघको आगामी 12औँ बृहत् महाधिवेशन तथा निर्वाचन प्रक्रियासँग सम्बन्धित विषयमा, नेपाल सरकार, परराष्ट्र मन्त्रालयसंग आगामी आइतबार हुने स्टेरिङ कमिटीमा छलफलका लागि सचिवालयमार्फत अनुरोधपत्र पठाउने र सोही बैठकमा परराष्ट्र मन्त्रालयमार्फत कानुन मन्त्रालयका प्रतिनिधिलाई समेत सहभागिताका लागि अनुरोध गर्ने।
3. एनसीसी एकता सहजिकरण समिति कार्यविधि (ToR) स्वीकृति
 यस बैठकमा एनसीसी एकता सहजिकरण समिति कार्यविधि (ToR) स्वीकृति सम्बन्धमा छलफल गरि निम्नानुसार निर्णय गरिएको छ:
 एनसीसी एकता सहजिकरणका लागि गठित समितिले तयार पारेको कार्यविधि (ToR) पास गर्ने।
4. सदस्यता एकीकरण र नयाँ सदस्यता आवेदनको समीक्षा
 यस बैठकमा सदस्यता एकीकरण र नयाँ सदस्यता आवेदनको समीक्षा सम्बन्धमा छलफल गरि निम्नानुसार निर्णय गरिएको छ:
 एकताको महाधिवेशनबाट गठित राष्ट्रिय समन्वय समितिहरूमा हाल विद्यमान साधारण सदस्यहरूको विवरण संघका अध्यक्ष महेश कुमार श्रेष्ठसँग समन्वय गरि महासचिव बाबुराम (बीआर) लामाले संघको सचिवालयको आइटी विभागमा पठाउने ।
गौरीराज जोशी बी.आर लामा
महासचिव महासचिव