लन्डन २० डिसेम्बर २०२५ । नेपाली समुदायको बाक्लो बसोबास रहेको बेलायतको अल्डरसटमा आगामी १७ जनवरी २०२५ मा नेपाली दूतावास लन्डनले घुम्ती शिविर सञ्चालन गर्ने भएको छ ।
अल्डरसट र फार्नबोरोलगायत क्षेत्रमा रहेका विशेषत: ज्येष्ठ र अशक्त नागरिकहरुलाई लक्षित गरी राहदानी तथा कन्सुलर सेवासम्बन्धी शिविर सञ्चालन गर्न लागिएको दूतावासले जानकारी दिएको हो । शिविर क्विन्स रोड अल्डरसटस्थित शिव कल्चरल एन्ड कम्युनिटी सेन्टरमा १७ जनवरी शनिबार बिहान १० देखि दिउँसो ५ बजेसम्म हुनेछ ।
शिविरमा राहदानी नवीकरण, अधिकृत वारेसनामा, कागजात प्रमाणिकरण, एकतर्फी यात्रा अनुमतिपत्र, पर्यटक भिसा, गैरआवासीय नेपाली परिचयपत्रलगायत सेवा प्रदान पाइनेछन् ।
दूतावासले घुम्ती शिविरमार्फत राहदानी तथा कन्सुलर सेवा लिन सबैमा अनुरोध गरेको छ । घुम्ती सेवा सम्बन्धमा थप जानकारी आवश्यक परेमा जीवनारायण बेल्वासे, ओम थापा, लिला सेलिङ्ग माबो, सुनिल राना, विष्णु श्रेष्ठ, सुशीला थापामगर, ग्यारी घले, हरि भट्टराई र निरज शर्मालाई सम्पर्क गर्न अनुरोध गरिएको छ ।
विस्तृत जानकारीका लागि तलको लिंक खोल्न सकिनेछ ।
Aldershot मा सञ्चालन हुने राहदानी तथा कन्सुलर सेवासम्बन्धी घुम्ती शिविरबारे जरुरी सूचना
![तमू (गुरुङ) जातिभित्रको भ्रम र यथार्थ [विचार]](https://gurkhamedia.com/uploads/posts/Gauri-Tamu-Gurung-1765876958.jpg)
