लन्डन । बुद्धिस्ट कम्युनिटी सेन्टर (बीसीसी)लन्डनको च्यारिटी डिनर नाइट भव्य रूपमा सम्पन्न भएको छ । सामाजिक भवन (गुम्बा) परियोजना सहयोगार्थ Feltham Assembly Hall Hounslow Road, Feltham मा शनिबार कार्यक्रम भएको हो ।
बीसीसी लन्डनका अध्यक्ष गोपाल तामाङको अध्यक्षतामा भएको कार्यक्रममा कोअर्डिनेटर इश्वर गुरुङले स्वास्थ्य र सुरक्षाबारे जानकारी गराएका थिए। स्वागत मन्तव्य पनि उनले नै राखेका थिए । हेलिसा गुरुङ र सुन्दरी तामाङले कार्यक्रम सञ्चालन गरेका थिए। त्यसपछि प्रमुख अतिथि तथा अतिथिहरूलाई आसनग्रहण गराइएको थियो। कार्यक्रमको प्रमुख अतिथि हाउन्स्लो काउन्सिलकी मेयर एमी क्रफ्ट रहेकी थिइन्।
काउन्सिलर विष्णु गुरुङ, काउन्सिलर लाछ्य गुरुङ, तमु धीं यूकेका अध्यक्ष जुमकाजी गुरुङ, बीसीसी यूकेका संस्थापक अध्यक्ष काजी शेर्पा, बीसीसी यूकेका अध्यक्ष आङ्दावा शेर्पा, बिसीसी युकेका प्रमुख सल्लाहकार मेजर खुशीमान गुरुङ, बीसीसी यूकेका निवर्तमान अध्यक्ष हर्क गुरुङ, बीसीसी यूकेका आमा प्रमुख जगना गुरुङ, ह्योल्मो समाज यूकेका अध्यक्ष पेमा लामा, मेन लामा खेनपो वाङ्चुक, बीसीसी लन्डनका संस्थापक अध्यक्ष गमरसिं गुरुङ, सिनियर एडभाइजर नारायण गुरुङ बीईएमसहित विभिन्न संघसंस्थाका अध्यक्ष, पूर्वअध्यक्ष तथा प्रतिनिधिहरू अतिथिका रूपमा उपस्थित थिए ।
बीसीसी यूकेका धर्मगुरुहरूसहित जम्बो टिम र अन्य शुभचिन्तकहरूको पनि बाक्लो उपस्थिति रहेको थियो ।
प्रमुख अतिथि मेयर क्रफ्ट, अध्यक्ष गोपाल तामाङ, आमा समूह अध्यक्ष दिलमाया गुरुङ, खेनपो वाङ्चुक दोर्जी, बीसीसी यूकेका अध्यक्ष आङ्दावा शेर्पा, तमु धीं यूकेका अध्यक्ष जुमकाजी गुरुङ र कोअर्डिनेटर इश्वर गुरुङले संयुक्त रूपमा दीप प्रज्वलन गर्दै कार्यक्रम उद्घाटन गरे ।
त्यसपछि नेपाल र बेलायतको राष्ट्रियगान प्रस्तुत गरिएको थियो। प्रमुख अतिथि क्रफ्ट, काउन्सिलर विष्णु गुरुङ, काउन्सिलर लाछ्य गुरुङ, तमु धीं यूकेका अध्यक्ष जुमकाजी गुरुङ, बीसीसी यूकेका संस्थापक अध्यक्ष काजी शेर्पा, बीसीसी यूकेका अध्यक्ष आङ्दावा शेर्पा, बीसीसी यूकेको निवर्तमान अध्यक्ष हर्क गुरुङले शुभकामना मन्तव्य राखेका थिए ।
कलाकार हेलिसा गुरुङ र बिनु गुरुङले स्वागत नृत्य प्रस्तुत गरेका थिए । ट्रस्टी तथा दाताहरूलाई प्रमाणपत्रसहित खादाले स्वागत तथा सम्मान गरिएको थियो । स्थापनादेखि हालसम्म बीसीसी लन्डनलाई योगदान पुर्याउने व्यक्तित्वहरूलाई प्रसंशापत्र प्रदान गरिएको थियो । समाजसेवी कामीबहादुर गुरुङले १ हजार ५०० पाउन्ड शाक्यमुनि बुद्धको मूर्तिमा दानसमेत गरेका थिए ।
ले. नारायण गुरुङ बीईएम र देव गुरुङले अक्सन गराएर गुम्बालाई सहयोग जुटाएका थिए । देवकला गुरुङ र शर्मिला तामाङले राफल ड्रसमेत गराएका थिए । अन्त्यमा अध्यक्ष गोपाल तामाङले उपस्थित सबैलाई धन्यवाद दिँदै औपचारिक कार्यक्रम समापन गरेका थिए ।
-1763998886.png)
![चर्चा बटुल्दै गायिका नितु पुन मगर [तस्बिरहरु]](https://gurkhamedia.com/uploads/posts/1-1764317145.jpg)
