लन्डन । महेशकुमार श्रेष्ठ र बद्री केसी नेतृत्वको गैरआवासीय नेपाली संघ (एनआरएनए)बीच एकताको सहमति भएको छ ।
दुई एनआरएनएबीच यसअघिका विवादलाई टुंग्याएर एक भएर जाने सहमति भएको केसी पक्षकी उपाध्यक्ष रोजिना प्रधान राईले जानकारी दिइन् । उनले भनिन्,'गत सोमबार जब अध्यक्ष डा.बद्री केसीज्यू र महेश श्रेष्ठज्यूले एनआरएनए सचिवालयमा एकतासम्बन्धी अन्तिम निर्णय गर्नुभयो, हाम्रो खुशीको सीमा नै रहेन । तर पनि, उहाँहरूकै अनुरोधअनुसार, हामीले सो निर्णय तत्काल सार्वजनिक गर्न सकेनौँ ।'
पछिल्लो समय दुवै एनआरएनका समूह शेष घले र अर्को पक्षका रूपमा विभाजित भएका थिए । घले पक्षले सर्वोच्चको फैसला कार्यान्वयन भन्दै काठमाडौंमा अलग्गै निर्वाचन गरेर श्रेष्ठलाई अध्यक्षका रूपमा निर्वाचित भएको घोषणा गरेपछि एनआरएनए विवाद झन चुलिएको थियो ।
केसी पक्षले बालुवाटारस्थित केन्द्रीय कार्यालय हस्तान्तरण नगरी आफूहरू संस्थापन भएको दाबी गर्दै सर्वोच्च अदालतमा मुद्दा नै हालेको थियो । श्रेष्ठले पनि आफू आधिकारिक भएको दाबी गर्दै सर्वोच्चमा मुद्दा दायर गरेका थिए ।
अदालतमा मुद्दा विचाराधीन भएकै अवस्थामा श्रेष्ठले आफू अध्यक्ष भएपछि एकताका लागि छलफल थालेका थिए ।
एकतापछि १७ अप्रिल २०२६ सम्ममा १२ औं महाधिवेशन गर्ने सहमति जुटेको छ । श्रेष्ठको नेतृत्वमा एकता महाधिवेशनमा जान दुवै पक्ष तयार भएको छ ।
महाधिवेशनलाई पारदर्शी एवं विश्वासयोग्य बनाउन ११ सदस्यीय स्टेयरिङ कमिटी गठन गर्ने, त्यस्तो कमिटीमा रहेका व्यक्ति १२औं महाधिवेशनमा उम्मेदवार नहुनेजस्ता दस बुँदे सहमति भएको अध्यक्ष केसीले बताए ।
-1763998886.png)
![चर्चा बटुल्दै गायिका नितु पुन मगर [तस्बिरहरु]](https://gurkhamedia.com/uploads/posts/1-1764317145.jpg)
