लन्डन । तमु धीं यूकेको आजीवन सदस्य रात्रिभोजको समीक्षा र ल्होछारको तयारी बैठक सम्पन्न भएको छ । शनिबार ८ नोभेम्बरका दिन तमु धीं भवन मिचेटमा बैठक सम्पन्न भएको हो ।
संस्थाका अध्यक्ष जुमकाजी गुरुङको अध्यक्षतामा भएको बैठकमा महासचिव डा. विशाल गुरुङले कार्यक्रम सञ्चालनसहित स्वास्थ्य र सुरक्षाबारे तथा बैठकको बरेमा जानकारी गराएका थिए । स्वागत मन्तव्य वरिष्ठ उपाध्यक्ष परशु गुरुङले राखेका थिए ।
संस्थाका सचिव एवं डिनर नाइटका संयोजक विमल गुरुङले पावर प्वाइन्टमार्फत कार्यक्रमबारे विस्तृतमा र कोषाध्यक्ष अरुण गुरुङले आयव्ययबारे प्रकाश पारे ।
ल्होछारको समीक्षाबारे निवर्तमान अध्यक्ष हरि गुरुङ, तमु फोरमका अध्यक्ष क्या राजु गुरुङ पूर्वअध्यक्ष ज्ञाम गुरुङले आफ्नो भनाइ राखेका थिए ।
कार्यक्रम सफल बनाएकामा संयोजक विमललाई धन्यवादसहित अध्यक्ष र वरिष्ठ उपाध्यक्षले फेटा र खादा लगाएर फेटा लगाएर सम्मान गरेका थिए ।
तमु धीं यूकेको आयोजनामा आगामी २७ डिसेम्बरमा ल्होछार भव्य रूपमा मनाउने तयारी छ । ल्होछार संयोजक एवं संस्थाका वरिष्ठ उपाध्यक्ष परशु गुरुङले कार्यक्रमको तयारीबारे पावर प्वाइन्टमार्फत नै सबैलाई जानकारी गराएका थिए ।
सो अवसरमा ल्होछारमा कलाकार ल्याउनेबारे छलफल भएर नामको टुंगो लगाइएको थियो । जसमा गायिका सलामी गुरुङ तथा गायक दुर्गा गुरुङ र गायक केशबहादुर गुरुङको नाम पारित भएको छ । फ्लोरबाट पूर्वअध्यक्ष मेजर डम्बर गुरुङ एमबीईले ल्होछारबारे कुरा राखेका थिए । संस्कृति सचिव गुट्टु गुरुङले कलाकारबारे कुरा राखेका थिए ।
संस्थाका पूर्वअध्यक्ष रामचन्द्र गुरुङ लमको अध्यक्षमा भर्खरै चयन भएकामा अध्यक्ष जुमकाजी गुरुङ र आमा समूहका अध्यक्ष कमलादेवी गुरुङले खादा र फेटा सम्मान गरेका थिए । फ्रेंसी पत्रिकाका संयोजक एवं गीतकार एकेन्द्र गुरुङले पत्रिकाका लागि लेखरचना तयार गरेर छिटो दिन आग्रह गरेका थिए ।
कार्यक्रम सफल बनाउन भूमिका खेल्ने तथा उपस्थित हुने सबैलाई धन्यवाद दिँदै अध्यक्ष जुमकाजी गुरुङले कार्यक्रम समापन गरेका थिए ।
