एनआरएनएको १२ औँ महाधिवेशन तथा विश्व सम्मेलन २०२६ जनवरी ३० देखि

प्रमुख समाचार

Home
प्रमुख समाचार
एनआरएनएको १२ औँ महाधिवेशन तथा विश्व सम्मेलन २०२६ जनवरी ३० देखि

एनआरएनएको १२ औँ महाधिवेशन तथा विश्व सम्मेलन २०२६ जनवरी ३० देखि

गोर्खा मिडिया संवाददाता बुधबार, कात्तिक १९, २०८२

फाइल फोटो

लन्डन । गैरआवासीय नेपाली संघको अन्तर्राष्ट्रिय समन्वय परिषद् (एनआरएनए आईसीसी) को १२ औँ महाधिवेशन तथा विश्व सम्मेलन आगामी २०२६ जनवरी ३० देखि सुरु हुने भएको छ ।

एनआरएनएलाई एकताबद्ध बनाउन डा बद्री केसी र महेश श्रेष्ठद्वारा प्रस्तुत ‘बृहत एकताको अवधारणा’ मा संघ १२ औँ महाधिवेशन तथा विश्व सम्मेलन आगामी सन् २०२६ जनवरी महिनाको ३०,३१ र फेब्रुअरी १ तारिखमा सम्पन्न गर्ने उल्लेख छ । एनआरएनको वैधानिकता लगायतका विषयमा अदालतमा परेका मुद्दाहरू सबै पक्षले आपसी सहमतिमार्फत समाधान गर्नेलगायत विषय उल्लेख रहेको एकता अवधारणा २ नोभेम्बरमा बसेको बैठकले अनुमोदन गरिसकेको प्रवक्ता फणिन्द्र पन्तले जारी गरेको विज्ञप्तिमा उल्लेख छ ।

यस्तै आपसी सहअस्तित्व स्वीकार्दै बृहत् एकता सहित १२ औँ अन्तर्राष्ट्रिय महाधिवेशन संयुक्त रुपमा आयोजना गर्ने, उक्त महाधिवेशन पारदर्शी एवं विश्वासयोग्य रूपमा सम्पन्न गर्न र नियमित कार्यालय सञ्चालन गर्नका लागि डा बद्री केसी र महेश कुमार श्रेष्ठको संयुक्त संयोजकत्वमा सबै पक्षका व्यक्तिहरु समावेश गरी एक स्टेयरिङ समिति (Steering Committee) गठन गर्ने, समितिले गैरआवासीय नेपाली संघ अन्तर्राष्ट्रिय समन्वय परिषद्को विधान २००३ (संशोधन २०२२) बमोजिम निर्वाचन समिति, निर्वाचन अनुगमन समिति, सदस्यता तथा प्रतिनिधि व्यवस्थापन समिति र न्यायिक समिति गठन गर्ने,१२औं अन्तर्राष्ट्रिय महाधिवेशनमा सबैजनालाई सहभागी गराउने सुनिश्चित गर्न MIS System बाट थप एक महिनाको लागि सदस्यता आव्हान गर्ने। MIS प्रणालीको पारदर्शिता र निष्पक्षताको लागि सहमतिको आधारमा व्यवस्थापन समिति गठन गर्ने, १२औं अन्तर्राष्ट्रिय महाधिवेशनमा सबै पक्षका व्यक्तिहरूलाई प्रतिनिधि बन्न अवसर दिन पुन: महाधिवेशन प्रतिनिधिको आवेदन खुलाउने लगायत विषय पनि समेटिएका छन् ।