जेन-जी आन्दोलनका नेता सुदन गुरुङको सुरक्षाको पूर्ण प्रत्याभूति दिलाउन तमु धीं यूकेको माग

कर्मभूमि बेलायत

Home
कर्मभूमि बेलायत
जेन-जी आन्दोलनका नेता सुदन गुरुङको सुरक्षाको पूर्ण प्रत्याभूति दिलाउन तमु धीं यूकेको माग

जेन-जी आन्दोलनका नेता सुदन गुरुङको सुरक्षाको पूर्ण प्रत्याभूति दिलाउन तमु धीं यूकेको माग

गोर्खा मिडिया संवाददाता शुक्रबार, असोज ३, २०८२

लन्डन । नेपालमा जेन-जी आन्दोलनका नेता सुदन गुरुङको सुरक्षाको पूर्ण प्रत्याभूति दिलाउन तमु धीं यूकेले माग गरेको छ ।

अध्यक्ष जुमकाजी गुरुङ र महासचिव डा.विशाल गुरुङले बिहीबार १८ सेप्टेम्बर प्रेस विज्ञप्ति निकालेर नेता गुरुङको जीवन जोखिममा पार्न खोजिएकोमा गम्भीर ध्यानाकर्षण भएको जनाउँदै उनको जीवन सुरक्षाको लागि माग गरेका हुन् ।

'आन्दोलनको नेतृत्व गरेर मुलुकमा सरकार गठन गर्ने महत्वपूर्ण प्रक्रियामा समेत आन्दोलनको म्यान्डेट र संविधानको परिधिमा रहेर जिम्मेवारीको भूमिका जेन - जीको नेता सुदन गुरुङले निर्वाह गरेको सर्वविदितै छ । अहिले उनै सुदन गुरुङलाई हतोत्साही र ज्यानै लिनेसम्मको नियतले केही शक्तिहरु लागिरहेको भन्ने खबरले तमु धीं यूकेको ध्यान आकर्षित भएको छ। यो संक्रमण अवस्थाको फाईदा उठाएर नेपाल आमाको होनहार सपुत सुदन गुरुङमाथि भएको यो अमानवीय कर्तुतको तमु धीं यूके घोर निन्दा र आपक्ति व्यक्त गर्दछ,' विज्ञप्तिमा भनिएको छ, 'सुदन गुरुङको सुरक्षाको पूर्ण प्रत्याभूतिको लागि सरकारसँग जोडदार माग गर्दछ ।'