बेलायतमा एकल साँझबाट संकलित ९ लाख ५० हजार रुपैयाँभन्दा बढी रकम हस्तान्तरण

कर्मभूमि बेलायत

Home
कर्मभूमि बेलायत
बेलायतमा एकल साँझबाट संकलित ९ लाख ५० हजार रुपैयाँभन्दा बढी रकम हस्तान्तरण

बेलायतमा एकल साँझबाट संकलित ९ लाख ५० हजार रुपैयाँभन्दा बढी रकम हस्तान्तरण

गोर्खा मिडिया संवाददाता आइतबार, भदौ २९, २०८२

अल्डरसट । गोर्खा मिडियाले एकल साँझबाट संकलित रकम नेपालको नुवाकोट जिल्लाको दुप्चेश्वर गाउँपालिकास्थित गोल्फुभन्ज्याङ निम्न माध्यमिक विद्यालयलाई सहयोग गरेको छ ।

उक्त च्यारिटी साँझबाट संकलित ४ हजार ९६८ पाउन्ड (९ लाख ५० हजार ५८४ रुपैयाँ) आइतबार मिडियाले आफ्नो पाँचौँ वार्षिकोत्सवको अवसर पारेर उक्त विद्यालयकी पूर्वविद्यार्थी एवं गायिका पवित्र गुरुङलाई हस्तान्तरण गरेको हो ।

अल्डरसटको द प्यालेस रेस्टुरेन्टमा आयोजित समारोहमा प्रमुख अतिथि लन्डनस्थित नेपाली दूतावासका उपनियोग प्रमुख एवं प्रमुख अतिथि विपिन दुवाडी र नेपाल पत्रकार महासंघ यूकेका अध्यक्ष एवं विशेष अतिथि विमला सेनेले उक्त रकम बराबरको चेक गायिका गुरुङलाई हस्तान्तरण गरेका थिए ।