कुलमान घिसिङ र सांसद बेकरबीच भेटवार्ता, द्विपक्षीय सम्बन्ध र ऊर्जा क्षेत्रमा सहयोगका विषयमा छलफल

कर्मभूमि बेलायत

Home
कर्मभूमि बेलायत
कुलमान घिसिङ र सांसद बेकरबीच भेटवार्ता, द्विपक्षीय सम्बन्ध र ऊर्जा क्षेत्रमा सहयोगका विषयमा छलफल

कुलमान घिसिङ र सांसद बेकरबीच भेटवार्ता, द्विपक्षीय सम्बन्ध र ऊर्जा क्षेत्रमा सहयोगका विषयमा छलफल

गोर्खा मिडिया संवाददाता बुधबार, साउन २८, २०८२

लन्डन । बेलायतका सांसद एवं नेपालको लागि सर्वदलीय सांसद समूह एपीपीजीका नेता एलेक्स बेकर र नेपाल विद्युत् प्राधिकरणका पूर्वकार्यकारी निर्देशक कुलमान घिसिङबीच भेटवार्ता भएको छ ।

बुधबार भएको भेटमा नेपाल–बेलायतबीचको सम्बन्ध, नेपालको ऊर्जा क्षेत्र, हरित हाइड्रोजन प्रवर्द्धन, जलवायु परिवर्तनका कारण नेपालमा परेको असर र यस विषयमा विश्वव्यापी पहलको आवश्यकताबारे छलफल भएको हो ।

यसैगरी, सांसद बेकर र घिसिङबीच बेलायती गोर्खा सैनिकको पेन्सन मुद्दा, नेपालको वर्तमान राजनीतिक अवस्था तथा उज्यालो नेपाल अभियानका उद्देश्यबारे विस्तृत कुराकानी भएको थियो ।

531425288_1308001564216696_4875805404386480917_n-1755099965.jpg
सो क्रममा सांसद बेकरले नेपालसम्बन्धी हरेक विषयमा गहिरो चासो व्यक्त गर्दै सहयोगको प्रतिबद्धता जनाएको घिसिङले जनाएका छन् ।

भेटघाट कार्यक्रममा द्विपक्षीय G2G गोर्खा मुद्दाका प्रमुख वार्ताकार तथा सचिव रिटायर्ड मेजर जुद्धबहादुर गुरुङ, एपीपीजी नेपालकी सचिव प्रेमिला भान ओमेन तामाङ, एलएन पाण्डे पनि उपस्थित थिए ।

प्रकाशित मिति: बुधबार, साउन २८, २०८२ २१:३१

प्रतिक्रिया दिनुहोस्