एनआरएनए यूकेको उपाध्यक्षमा महिला उद्यमी थापाको उम्मेदवारी घोषणा

कर्मभूमि बेलायत

Home
कर्मभूमि बेलायत
एनआरएनए यूकेको उपाध्यक्षमा महिला उद्यमी थापाको उम्मेदवारी घोषणा

एनआरएनए यूकेको उपाध्यक्षमा महिला उद्यमी थापाको उम्मेदवारी घोषणा

गोर्खा मिडिया संवाददाता शुक्रबार, असार २७, २०८२

लन्डन । गैर आवासीय नेपाली संघ (एनआरएनए यूके)को उपाध्यक्ष पदका लागि महिला उद्यमी डा. रक्षा थापाले उम्मेदवारी घोषणा गरेकी छन् ।

साउथ ह्यारोस्थित गोल्डेनसीप रेष्टुरेन्टमा बिहीबार १० जुलाई २०२५ मा एक कार्यक्रम आयोजना गरी डा.थापाले आफ्नो उम्मेदवारी घोषणा गरेकी हुन् । उनले आफ्नो उम्मेदवारी कुनै राजनीतिक प्यानलबाट नभइ स्वतन्त्र रहेको पनि प्रष्ट्याइन् । मकवानपुर हेटौंडाबाट बेलायत आएकी उनी माया सर्पोटेड लिभिङकी निर्देशक हुन् ।

डा.थापाले ११ बुँदे प्रतिबद्धता सार्वजनिक गर्दै संस्थागत संरचना सुदृढीकरण र एकता प्रवर्धन, युवा सशक्तिकरण र नेतृत्व विकास, नेपाली संघसंस्थाबीचको एकता र सहकार्य सुदृढ गर्दै एनआरएन अभियानलाई प्रभावकारी बनाउने प्रतिबद्धता व्यक्त गरिन् । उनले आफूले लामो समयदेखि सामाजिक संघसंस्थामा सक्रिय भूमिका निर्वाह गरेको उल्लेख गर्दै आफ्नो सम्पूर्ण कार्यकाल नेपाली समुदायको हित, सम्मान र समृद्धिमा समर्पित गर्ने दृढ प्रतिबद्धता व्यक्त गरिन् ।

उनले गोर्खाहरुका माग पूरा गर्न बेलायत र नेपाल सरकार एवं सम्बन्धित निकायहरुसँग समन्वय गर्ने, नेपाली नागरिकता निरन्तरताका लागि आवश्यक नीतिगत पहल गर्ने, महिलाको सामाजिक, सांस्कृतिक र व्यवसायिक सशक्तिकरणमा केन्द्रित विशेष कार्यक्रम सञ्चालन गर्ने, बेलायतस्थित नेपाली समुदायको हित संरक्षण, नेपाली भाषा, संस्कृति र पहिचानको संरक्षण, दिगो परोपकार र विकास अभियान, संस्थागत पारदर्शीता र जवाफदेहीता, नेपाल बेलायत सम्बन्ध सुदृढीकरण आदि पनि आफ्नो प्रतिबद्धतामा समावेश गरेकी छन् ।

घोषणासभामा विभिन्न संघसंस्थाका अगुवाहरुले अग्रीम शुभकामना दिएका थिए । घोषणासभामा विभिन्न संस्थाका अध्यक्ष तथा प्रतिनिधि, समाजसेवी, पत्रकारलगायतको उपस्थिति थियो ।

एनआरएनए यूकेको १२औं महाधिवेशनअन्तर्गत यही जुलाई २६ मा अनलाइनमार्फत मतदान हुँदैछ ।

प्रकाशित मिति: शुक्रबार, असार २७, २०८२ ११:१२

प्रतिक्रिया दिनुहोस्