लन्डन । रोयल बरो अफ ग्रीनवीच नेप्लिज सोसाइटी (आरजीएनएस) का निवर्तमान अध्यक्ष पुण्य रेग्मीले गैरआवासीय नेपाली संघ (एनआरएनए) यूकेको महासचिव पदमा उम्मेदवारी दिने भएका छन् ।
एनआरएनए अभियानमा लामो समयदेखि योगदान दिँदै आएका रेग्मीले आगामी कार्यकालका लागि उम्मेदवारी दिने तयारी गरेका हुन् । हालसम्मको अनुभव, पारदर्शिता र युवा सहभागितालाई प्राथमिकतामा राख्दै महासचिवमा उम्मेदवारी दिन लागेको उनले बताए ।
विभिन्न अग्रज, आफन्त तथा शुभेच्छुकहरूसँगको परामर्शपछि चाँडै उम्मेदवारीबारे औपचारिक घोषणा गर्ने उनको तयारी छ । रेग्मीको नेतृत्वमा आरजीएनएसले नेपाली समुदायबीच एकता, सामाजिक र सांस्कृतिक उत्थानमा उल्लेखनीय काम गरेको छ ।
रेग्मीले लन्डन क्षेत्रका नेपाली समुदायको सामाजिक, सांस्कृतिक तथा शैक्षिक क्षेत्रमा विभिन्न पहलमार्फत सशक्त उपस्थिति जनाउँदै आएका छन् । उनी पेसाले इन्जिनियर हुन् ।
यसअघि प्रवासी नेपाली मञ्च यूकेको सचिव, यति नेपाली एसोसिएसन यूकेको कोषाध्यक्ष, सोसाइटी अफ नेपाली प्रोफेसनल्स यूकेको अध्यक्ष भइसकेका छन् । अन्य विभिन्न संस्थामा पनि सक्रिय रूपमा संलग्न रहेर अनुभव लिइसकेका छन् ।
उनले उम्मेदवारी दिने भएसँगै एनआरएनए यूकेको आगामी निर्वाचन थप प्रतिस्पर्धात्मक हुने चर्चा हुन थालेको छ । आनआरएनए यूकेको निर्वाचन आगामी २६ जुलाईमा हुँदैछ ।
-1751296519.jpg)
![समान पेन्सनलगायत भूतपूर्व गोर्खाका मागबारे बेलायत सरकारसँग वार्ता [विज्ञप्तिसहित]](https://gurkhamedia.com/uploads/posts/Gurkha-1749798892.jpg)
![विप्लव कार्की बने मिस्टर यूके नेपाल [तस्बिरहरू]](https://gurkhamedia.com/uploads/posts/body-building-1750731624.jpg)
![बेलायतको फार्नबोरोस्थित गोर्खा भवनमा ‘इजी फार्मेसी’ सञ्चालन [भिडियोसहित]](https://gurkhamedia.com/uploads/posts/509936126_1076564984628369_8443309087281955158_n-1750619002.jpg)
-1750342368.png)
