लन्डन । नेपालस्थित पोखराबाट युके भ्रमणमा आएका युवा व्यवसायी अरुणकुमार गुरुङलाई बेलायतमा भव्य स्वागत तथा सम्मान गरिएको छ ।
तमु समाज युकेको १८औँ साधारणसभाको अवसरमा ३१ मे शनिबार विम्बलीस्थित वारहाम पार्कमा रहेको आफ्नै सामुदायिक भवनमा आयोजित कार्यक्रममा व्यवसायी अरुणकुमारलाई अध्यक्ष बिन्दुकुमारी गुरुङ घले, संस्थापक अध्यक्ष चित्रबहादुर गुरुङ र आमा समूहकी अध्यक्ष बिमला गुरुङले खादा, फेटा र फूल अर्पण गरी तथा समाजको लोगो अंकित ‘मायाको चिनो’सहित सम्मान गरेका हुन् । कोभिड–१९ महामारीका बेला तमु समाज युकेले पोखरामा राहत वितरण गर्ने कार्यक्रममा उनले पुर्याएको योगदानको कदर गर्दै सम्मान गरिएको तमु समाज यूकेले जनाएको छ ।
उक्त महामारीको बेला राहत वितरण कार्यक्रममा तमु समाज युकेको आमा समूहकी पूर्वअध्यक्ष माया गुरुङ र तमु समाज युकेको आजीवन सदस्य तथा सोंपाल समाज युकेको पूर्वउपाध्यक्ष पार्वती गुरुङले नेतृत्व गरेका थिए । कार्यक्रममा आमा समूहकी पूर्वअध्यक्ष माया गुरुङले उक्त कठिन समयमा अरुण गुरुङले पुर्याएको सहयोग र सद्भाव अतुलनीय रहेको उल्लेख गरिन् ।
सम्मान ग्रहण गर्दै युवा व्यवसायी अरुणकुमार गुरुङले तमु समाज युकेका अग्रजहरूसँग प्रत्यक्ष भेट गरेर सम्मान ग्रहण गर्न पाउँदा अत्यन्त गर्व लागेको बताउँदै समाजले प्रदान गरेको मायाको चिनो र सम्मानप्रति आभार प्रकट गरे । उनी तमुधीं यूकेको निमन्त्रणामा २३ औं गोर्खाकप फुटबल प्रतियोगिताका लागि यूके आएका हुन् ।
सम्मान कार्यक्रममा तमु समाज युकेका अध्यक्ष बिन्दु कुमारी गुरुङ घले, उपाध्यक्षहरू भिमबहादुर गुरुङ, श्रीमती मिरा गुरुङ, केदारबहादुर गुरुङ, संस्थापक अध्यक्ष चित्रबहादुर गुरुङ, पूर्वअध्यक्षहरू अर्जुनकुमार गुरुङ, शिवचन्द्र गुरुङ, शिवकुमार गुरुङ, आमा समूहकी अध्यक्ष विमला गुरुङ, पूर्वअध्यक्ष माया गुरुङ, कार्यसमितिका पदाधिकारी, सल्लाहकारहरू तथा आजीवन सदस्यहरूले सहभागी भई उनलाई भव्य स्वागत तथा सम्मान गरेका थिए ।
कार्यक्रमको सञ्चालन महासचिव सुब घलेले गरेका थिए । व्यवसायी गुरुङलाई तमु समाज युकेको कार्यक्रमस्थलमा ल्याउनका लागि यातायातको व्यवस्था मिलाइदिएकोमा तमु समाज युकेको आजीवन सदस्य तथा सोंपाल समाज युकेको पूर्वउपाध्यक्ष पार्वती गुरुङलाई र उपस्थित सबैजनालाई अध्यक्ष घलेले धन्यवाद व्यक्त गर्दै कार्यक्रम समापन गरेकी थिइन् । त्यसपछि सबै जना आमा समूहले तयार पारेको जलपान कार्यक्रममा सहभागी भएका थिए ।
- शिवकुमार गुरुङ
![पवित्रा गुरुङ : गायिका [तस्बिरहरु]](https://gurkhamedia.com/uploads/posts/Pabitra-grg-1749667661.jpg)
