नेपाल–बेलायत सम्बन्धका विविध आयामहरूबारे संसदीय समूहमा छलफल

प्रमुख समाचार

Home
प्रमुख समाचार
नेपाल–बेलायत सम्बन्धका विविध आयामहरूबारे संसदीय समूहमा छलफल

नेपाल–बेलायत सम्बन्धका विविध आयामहरूबारे संसदीय समूहमा छलफल

गोर्खा मिडिया संवाददाता सोमबार, जेठ १२, २०८२

काठमाडौँ । नेपाल–बेलायत संसदीय मैत्री समूहको पहिलो बैठकमा दुई देशबीचको विविध आयामहरूबारे छलफल भएको छ । बैठकको संयोजन प्रतिनिधिसभा सदस्य विराजभक्त श्रेष्ठले गरेका थिए ।

संयोजक श्रेष्ठले नेपाल र बेलायतबीचको दीर्घकालीन सम्बन्धलाई अझ सुदृढ बनाउने उद्देश्यसहित संसदीय मैत्री समूहलाई थप सक्रिय र प्रभावकारी बनाउने निर्णय भएको जानकारी दिए । संयोजक श्रेष्ठले समूहले आगामी दिनमा दुवै देशका सांसदहरूबीच नियमित संवाद, अनुभव आदानप्रदान र आपसी समझदारी अभिवृद्धि गर्ने कार्यक्रमलाई प्राथमिकता दिने जानकारी दिए ।

बैठकमा दुई देशबीचको ऐतिहासिक सम्बन्धलाई थप गहिरो बनाउँदै संसदीय कूटनीतिलाई संस्थागत र सशक्त बनाउन अग्रसर हुने प्रतिबद्धता व्यक्त गरिएको छ । नेपाल–बेलायत संसदीय मैत्री समूहले आगामी दिनमा दुवै देशका हितमा काम गर्ने रणनीतिसहित योजनाबद्ध गतिविधि सञ्चालन गर्ने तयारी गरेको छ ।

प्रकाशित मिति: सोमबार, जेठ १२, २०८२ १८:३७

प्रतिक्रिया दिनुहोस्