गोर्खा मिडिया यूकेका सल्लाहकार सञ्चारकर्मी दीपेन्द्र श्रेष्ठलाई 'राष्ट्रिय पत्रकारिता पुरस्कार'

साहित्य

Home
साहित्य
गोर्खा मिडिया यूकेका सल्लाहकार सञ्चारकर्मी दीपेन्द्र श्रेष्ठलाई 'राष्ट्रिय पत्रकारिता पुरस्कार'

गोर्खा मिडिया यूकेका सल्लाहकार सञ्चारकर्मी दीपेन्द्र श्रेष्ठलाई 'राष्ट्रिय पत्रकारिता पुरस्कार'

गोर्खा मिडिया संवाददाता बुधबार, वैशाख २४, २०८२

काठमाडौं । गोर्खा मिडिया डटकमका सल्लाहकार सञ्चारकर्मी दीपेन्द्र श्रेष्ठ 'राष्ट्रिय पत्रकारिता पुरस्कार-२०८१' पुरस्कृत भएका छन् ।

राष्ट्रिय पत्रकारिता दिवसका अवसरमा बुधबार एक समारोहबीच श्रेष्ठलाई राष्ट्रपति रामचन्द्र पौडेलले उक्त पुरस्कार प्रदान गरेका हुन् । पुरस्कार राशि एक लाख राशि रहेको छ । नेपाल पत्रकार महासंघ कास्कीका पूर्वअध्यक्ष श्रेष्ठ एभरेस्ट आवाज डटकमका सम्पादक एवं एभरेस्ट एमएमका सञ्चालक हुन् ।

उनीसँगै कार्यक्रममा नेपाल पत्रकार महासङ्घका पूर्वअध्यक्ष विपुल पोखरेल र प्रेस चौतारी नेपालका पूर्वअध्यक्ष गणेश बस्नेतलाई वरिष्ठ पत्रकार सम्मान–२०८१ प्रदान गरियो । राष्ट्रिय पत्रकारिता पुरस्कार २०८१ विमल गौतम (बाग्लुङ), लोग्शरी कुँवर (कैलाली), दीपेन्द्र बान्तवा (सङ्खुवासभा), डिल्लीराम खतिवडा (उदयपुर) र सागर पण्डित (तनहुँ) लाई प्रदान गरिएको थियो । वरिष्ठ पत्रकार सम्मान–२०८१ को राशि दुई लाख रुपैयाँ थियो ।

कार्यक्रममा सम्बोधन गर्दै राष्ट्रपति पौडेलले नेपालको राजनीतिक, सामाजिक, सांस्कृतिकलगायतका हरेक परिवर्तनहरूमा नेपाली पत्रकारिता जगत्को भूमिका उल्लेखनीय रहेको बताएका छन् ।

प्रकाशित मिति: बुधबार, वैशाख २४, २०८२ १८:३९

प्रतिक्रिया दिनुहोस्