डायमन्ड बुद्धिस्ट सेन्टर यूकेले २५६९औं बुद्ध जयन्ती मनाउँदै, खेनरिम्पॊचे शिरलामा आउँदै

कर्मभूमि बेलायत

Home
कर्मभूमि बेलायत
डायमन्ड बुद्धिस्ट सेन्टर यूकेले २५६९औं बुद्ध जयन्ती मनाउँदै, खेनरिम्पॊचे शिरलामा आउँदै

डायमन्ड बुद्धिस्ट सेन्टर यूकेले २५६९औं बुद्ध जयन्ती मनाउँदै, खेनरिम्पॊचे शिरलामा आउँदै

गोर्खा मिडिया संवाददाता आइतबार, वैशाख २१, २०८२

लन्डन । डायमन्ड बुद्धिस्ट सेन्टर यूकेले यही १२ मे मा २५६९औं बुद्ध जयन्ती मनाउने भएको छ ।

प्रत्येक वर्ष मनाउँदै आएकॊ भगवान् बुद्धकॊ जयन्ती यस साल विलविच लन्डनस्थित डायमन्ड बुद्धिस्ट सेन्टर यूकेकॊ गुम्बामा विविध कार्यक्रमसहित सम्पन्न हुन लागिएको हो । त्यसैदिन प्रत्येक वर्ष गरिने शान्ति पदयात्रा पनि शहरकॊ परिक्रमा गरेर सम्पन्न गरिने आयोजकले जनाएको छ । यस वर्षकॊ लागि कार्यक्रमकॊ भॊजनदान संस्थाका निवर्तमान अध्यक्ष यॊगेश गुरुङ र उनकॊ श्रीमती मिना गुरूङले प्रायॊजन गरेका छन् ।

बौद्ध अनुयायीहरूकॊ लागि पूण्य सन्चय, संसारका सम्पूर्ण प्राणीहरूकॊ हित र यस महान् दिनलाई सफलतापूर्वक पूजा गरेर सम्पन्न गर्नका लागि संस्थाका मूलगुरू खेनरिम्पॊचे शिरलामा गुरूङ नेपालबाट ५ मई २०२५कॊ दिनमा बेलायत आउँदैछन् । उनकॊ करकमलबाट यस सालकॊ बुद्ध जयन्ती भव्यताकॊ साथमा सम्पन्न गर्न तयारी भइरहेकॊ पनि आयोजकले जनाएको छ ।

कार्यक्रमकॊ संयॊजक संस्थाका संस्थापक अध्यक्ष सुमलकुमार गुरुङ, सह-संयॊजकद्वय क्रमशः संस्थाका प्रमुख सल्लाहकार राम गुरूङ र उपाध्यक्ष सुशील प्रजापति रहेका छन् । यसपाली बुद्ध फाउन्डेसन यूके पनि यस कार्यक्रममा सहभागिता जनाउँदै छ ।

विगत ११ वर्षदेखि लन्डन जस्तॊ विश्वकै आईकॊनिक शहरमा शान्ति पदयात्रा गरेर विश्वसामु नेपाल र भगवान् बुद्धलाई चिनाउने प्रयास यस शान्ति पदयात्राले गर्दै आइरहेकॊ आयोजकको भनाइ छ ।

प्रकाशित मिति: आइतबार, वैशाख २१, २०८२ १५:३१

प्रतिक्रिया दिनुहोस्