गोर्खा कप (कविता)

साहित्य

Home
साहित्य
गोर्खा कप (कविता)

गोर्खा कप (कविता)

गोर्खा मिडिया संवाददाता शनिबार, वैशाख २०, २०८२

गोर्खाहरूको कप
नेपालीहरूको कप
हेर्दा एउटा कप छ
त्यो कपभित्र
हजारौँ नेपालीहरूको
माया छ, साथ छ
प्रतिनिधित्व छ, अग्रसरता छ
खासगरी तमु धीं यूकेको
नेतृत्वदायी भूमिका छ !

को गुरुङ, को मगर
को राई, को लिम्बू
को तामाङ, को शेर्पा
को नेवार, को सुनार
को बाहुन, को छेत्री
सबैलाई फुटबलको माध्यमबाट
एउटै प्रांगणमा जम्मा गराएको छ
एक आपसमा भातृत्वको जग बसाएको छ
नेपालीत्वको आभास दिएको छ
एकताको सूत्रमा बाँधेको छ !!

यूकेभरी बाट
३२ वटा फुटबल क्लब
सबै तँछाडमछाड गर्छन्
हत्याउन एउटा कप
आखिरमा जसले जिते पनि
खुसी छन् नेपालीहरू सब
किनकि यो प्रतियोगिता
प्रवासी नेपाली फुटबलको विकास
र नेपाली मनहरूको संयोजन हो भनी
जानकारहरू चोक चोकमा दिँदै हिँड्छन् गफ !!!

मे २५ को दिन
क्विन्स येभेनिउ स्पोर्ट्स फिल्ड,अल्डरसटमा
छ है सबैलाई चुलेनिम्तो
खेलाडीहरू हुनेछन्
स्टार फुटबलर जस्तो
दाजुभाइ दिदीबहिनीहरू देखिनेछन्
हिरो हिरोइन जस्तो
नेपाली सामानहरू पाइनेछन्
अन्तर्राष्ट्रिय ब्रान्ड जस्तो
नेपाली खानाहरू हुनेछन्
पाँचतारे होटलको जस्तो
पञ्चेबाजाको धुन
अनि सोल्टी सोल्टिनीहरूको कम्मर मर्काइले
लाग्नेछ नेपाल नै पुगे जस्तो
कैयौँ वर्षदेखि हराएका
साथीहरू, इस्ट मित्रहरू आँखैअघि ठोकिनेछन्
भाग्यले जुराए जस्तो
अनि अन्त्यमा सबैलाई बाइ बाइ भनी
बिदाइ गर्दा हुनेछ कस्तो कस्तो !!!!
जय गोर्खा कप
धन्यवाद तमु धीं यूके