बेलायतमा एटीएएसी कला प्रदर्शनी हुँदै, ३ मेमा उद्घाटन

कर्मभूमि बेलायत

Home
कर्मभूमि बेलायत
बेलायतमा एटीएएसी कला प्रदर्शनी हुँदै, ३ मेमा उद्घाटन

बेलायतमा एटीएएसी कला प्रदर्शनी हुँदै, ३ मेमा उद्घाटन

गोर्खा मिडिया संवाददाता बुधबार, वैशाख १७, २०८२

अल्डरसट । बेलायतमा बसोबास गर्ने नेपाली कलाकारहरूलाई एकीकृत प्लेटफर्म प्रदान गर्ने उद्देश्यले ‘अल थिङ्स आर्ट एन्ड क्रिएटिभ’ (एटीएएसी) कला प्रदर्शनी हुने भएको छ । Underadar समूहको आयोजनामा हुन लागेको प्रदर्शनीले नेपाली समुदायभित्रका सिर्जनात्मक प्रतिभाहरूलाई प्रस्तुत गर्ने लक्ष्य राखेको छ ।

प्रदर्शनीको उद्घाटन ३ मेमा West End Arts Centre, Aldershot मा हुनेछ । हुनेछ । प्रदर्शनी भने २५ मेसम्म चल्ने आयोजकले जनाएका छन् । अल्डरसट क्षेत्रकी लेबर सांसद एलेक्स बेकर, तमु धीं यूकेका अध्यक्ष जुमकाजी गुरुङ उद्घाटन समारोहमा प्रमुख अतिथि रहनेछन् ।

बेलायतमा नेपाली समुदायमा सांगीतिक, सांस्कृतिक तथा मनोरञ्जनात्मक कार्यक्रमहरू प्रशस्त हुने गरेको छ । तर, कला केन्द्रित कार्यक्रमको खाँचो महसुस भएकाले यो प्रदर्शानी गर्न लागिएको आयोजकले जनाएका छन् । कार्यक्रममा ६ जना नेपाली कलाकारले आ-आफ्ना सिर्जना प्रदर्शनीमा राख्नेछन् ।

बेलायतमा रहेका नयाँ पुस्ताका नेपालीलाई अन्तरसंस्कृतिक समावेशिताको अनुभूति दिलाउने प्रयासमा यो प्रदर्शनी कोशेढुंगा साबित हुने आयोजकको विश्वास छ ।

प्रकाशित मिति: बुधबार, वैशाख १७, २०८२ २२:३३

प्रतिक्रिया दिनुहोस्