संस्थापक अध्यक्ष महतो भन्छन् - 'एनआरएनको एकता महाविधेशनमा मेरो संलग्नता र सहभागिता छैन'

कर्मभूमि बेलायत

Home
कर्मभूमि बेलायत
संस्थापक अध्यक्ष महतो भन्छन् - 'एनआरएनको एकता महाविधेशनमा मेरो संलग्नता र सहभागिता छैन'

संस्थापक अध्यक्ष महतो भन्छन् - 'एनआरएनको एकता महाविधेशनमा मेरो संलग्नता र सहभागिता छैन'

गोर्खा मिडिया संवाददाता बुधबार, वैशाख १७, २०८२

लन्डन । गैरआवासीय नेपाली संघका संस्थापक अध्यक्ष उपेन्द्र महतोले आगामी मे ३ देखि ५ मा हुन गइरहेको एनआरएनको एकता महाधिवेशनमा आफ्नो संलग्नता र सहभागिता नरहने घोषणा गरेका छन् । सर्वोच्च अदालतद्वारा पुर्नस्थापित गैरआवासीय नेपाली संघको उच्च स्तरीय समितिले मे ३ देखि ५ मा एकताको महाधिवेशन गर्ने तयारी गरेको छ । सर्वोच्चले एनआरएनको उच्चस्तरीय समितिको पहिलो बैठक बसेको ६ महिनाभित्र एकताको महाधिवेशन गराउन आदेश दिएको छ । महतो उच्चस्तरीय समितिका सदस्य हुन् ।

‘गैरआवासीय नेपाली संघ संस्थामात्र होइन, अभियान पनि हो । यसर्थ, यस अभियानलाई विचलित पार्नेगरी मे महिनामा हुने भनिएको अधिवेशन एकताको महाधिवेशन हुन नसक्ने भएकोले त्यस महाधिवेशनमा मेरो कुनै पनि संलग्नता र सहभागिता नरहने स्पष्ट पर्दछु,’ महतोद्वारा सोमबार जारी प्रेस विज्ञप्तिमा भनिएको छ, ‘सम्पूर्ण साथीहरूलाई गैरआवासीय नेपाली अभियानलाई चीरस्थायी बनाउन अनावश्यक हठ त्यागेर मेलमिलापको वातावरण बनाउन हार्दिक अनुरोध गर्दछु ।’

संस्थापक अध्यक्ष महतोले सर्वोच्च अदालतको निर्णयको मर्मअनुरुप वास्तविक एकताको महाधिवेशन गर्न आवश्यक रहेको बताए । एनआरएन उच्चस्तरीय समितिका संयोजक शेष घलेले एकताको महाधिवेशन नरोकिने बताएका छन् । समितिका अनुसार महाधिवेशनको लागि विश्वभरबाट तीन हजार प्रतिनिधि छानिएको छ । यो महाधिवेशनमा एनआरएनका अध्यक्ष बद्री केसी पक्षको सहभागिता छैन ।

प्रकाशित मिति: बुधबार, वैशाख १७, २०८२ ००:४४

प्रतिक्रिया दिनुहोस्