समसामयिक विषयमा छलफल गर्दै सहारा यूकेको बैठक सम्पन्न

कर्मभूमि बेलायत

Home
कर्मभूमि बेलायत
समसामयिक विषयमा छलफल गर्दै सहारा यूकेको बैठक सम्पन्न

समसामयिक विषयमा छलफल गर्दै सहारा यूकेको बैठक सम्पन्न

गोर्खा मिडिया संवाददाता सोमबार, वैशाख १५, २०८२

लन्डन । सहारा यूकेको बैठक विभिन्न विषयमा छलफल गर्दै सम्पन्न भएको छ । आइतबार २७ अप्रिलका दिन अल्डरसटस्थित द प्यालेस रेस्टुरेन्टमा भएको बैठकको सुरुमा अध्यक्ष कृष्ण गुरुङले सबैलाई स्वागत गरेका थिए ।

लामो समय नेपाल बसेर फर्किएका र हालै मात्र स्विन्डेन गुरुङ समाज यूकेको अध्यक्षमा निर्वाचित भएका संस्थाका महासचिव क्या. पीताम्बर गुरुङ दम्पतीलाई खादा र फूलको गुच्छा दिएर स्वागत सम्मान तथा बधाई दिएका थिए । सांगीतिक कार्यक्रमका लागि बेलायत आएकी गायिका एलिना गुरुङलाई पनि स्वागत तथा सम्मान गरेका थिए ।

494355786_655138544169881_7639671321422036479_n-1745858114.jpg
कार्यक्रम सञ्चालन महासचिव गुरुङले नै गरेका थिए । संस्थाको समसामयिक गतिविधिबारे बैठकमा वृहत छलफल भएको थियो । आउन लागेको गोर्खा कपमा सहारा यूकेको सहभागिता र तयारीबारे जानकारी गराइएको थियो । गोर्खा कपका लागि सहाराले टिम इन्ट्री गरिसकेको छ । साथै खानाको स्टल राख्ने पनि तयारी गरेको छ ।

यसैगरी, अगस्ट पहिलो हप्ता सहारा यूके परिवार क्याम्पेन जाने भएको छ । नोभेम्बर दोस्रो हप्तामा सहारा च्यारिटी डिनर नाइट हुनेछ । यसबारे पनि छलफल भएको थियो । संस्थाको हालसम्मको गतिविधिबारे अध्यक्षले जानकारी गराएका थिए । उनले उपस्थित सबैलाई धन्यवादसमेत दिए ।

494356890_658443330149495_920640882975480453_n-1745858153.jpg
डिनर खाएसँगै समापन गरिएको थियो । बैठकमा पूर्वअध्यक्षहरू, सल्लाहकारहरूसहित कार्य समितिका सदस्यहरूको उपस्थिति रहेको थियो ।