लन्डन । तमु कलाकार सांस्कृतिक मञ्च यूकेको नयाँ कार्यसमिति गठन गरिएको छ । मिचेटस्थित तमुधीं यूकेको भवनमा २७ अप्रिल २०२५ मा आयोजना गरिएको संस्थाको पाँचौं अधिवेशनले कृष्ण गुरुङको अध्यक्षतामा नयाँ समिति गठन गरेको हो । उपाध्यक्षमा हेलिशा गुरुङ, सचिव इन्द्रजीत गुरुङ, सहसचिव सूर्यराज गुरुङ, कोषाध्यक्ष बिनु गुरुङ र सहकोषाध्यक्षमा नीता गुरुङ चयन भएका छन् ।
सदस्यहरुमा पूर्ण गुरुङ, यम गुरुङ, श्रीप्रसाद गुरुङ, साजन गुरुङ, धर्म लामा गुरुङ र मोतिलाल गुरुङ चयन भएका छन् । पछि १ सदस्य मनोनित गर्ने भएको छ ।
उद्घाटन सत्रपछिको बन्दसत्रमा निर्वाचन प्रक्रियालाई सम्पन्न गर्न संस्थाका प्रमुख सल्लाहकार एकेन्द्र गुरुङ संयोजक रहने गरी र संस्थाका संस्थापक अध्यक्ष सूर्य गुरुङ सदस्य र कानुनी सल्लाहकार चन्द्रध्वज गुरुङ सदस्य रहने गरी निर्वाचन मण्डल गठन गरिएको थियो ।
नवनिर्वाचित समितिका पदाधिकारी तथा सदस्यहरुलाई निर्वाचन निर्वाचन समितिका संयोजक एकेन्द्र गुरुङले गोपनियताको शथप खुवाएका थिए । बन्दसत्रअघिको औपचारिक कार्यक्रम संस्थाका अध्यक्ष पदमराज गुरुङको अध्यक्षतामा भएको थियो ।
कार्यक्रममा तमुधीं यूकेका अध्यक्ष जुमकाजी गुरुङ, तमु फोरमका डाइरेक्टर राजु गुरुङलगायतले शुभकामना मन्तव्य राखेका थिए । कार्यक्रममा उपाध्यक्ष कृष्ण गुरुङले स्वागत मन्तव्य राखेका थिए ।
संस्थापक अध्यक्ष सूर्य गुरुङले मार्च १५ मा आयोजित चौथो रोधी साँझबारे जानकारी गराएका थिए । कोषाध्यक्ष हेलिशा गुरुङले आर्थिक प्रतिवेदन प्रस्तुत गरेकी थिइन् ।
कार्यक्रमको सञ्चालन सचिव सुशील गुरुङले गरेका थिए ।
![युरोपियन कोर्टमा समान पेन्सनको मुद्दा लिगल्ली हारे पनि वार्ताका लागि सहज भएको छ: मे. रि. टिकेन्द्र दल देवान जेपी [अन्तर्वार्ता]](https://gurkhamedia.com/uploads/posts/collage-(1)-1743340752.jpg)
