डीएमटी ब्यान्ड यूकेको आयोजनामा नयाँ वर्ष सांगीतिक धमाका सम्पन्न

कर्मभूमि बेलायत

Home
कर्मभूमि बेलायत
डीएमटी ब्यान्ड यूकेको आयोजनामा नयाँ वर्ष सांगीतिक धमाका सम्पन्न

डीएमटी ब्यान्ड यूकेको आयोजनामा नयाँ वर्ष सांगीतिक धमाका सम्पन्न

गोर्खा मिडिया संवाददाता मंगलबार, वैशाख २, २०८२

अल्डरसट । डीएमटी ब्यान्ड यूकेले नेपाली नयाँ वर्ष सांगीतिक कार्यक्रम धूमधामका साथ सम्पन्न गरेको छ। आइतबार अल्डरसटस्थित दी लन्ज रेस्टुरेन्टमा भएको कार्यक्रममा १०० जनाभन्दा बढीको उपस्थिति थियो।

कार्यक्रम बेलुका ६ बजे सुरु भएको थियो। ब्यान्डका संयोजक दिनेश गुरुङले शुभकामना मन्तव्यसहित कार्यक्रम सञ्चालन गरेका थिए। मद्दत समूहका ट्रस्टीहरू Rtd. Capt. वीरबहादुर थापा र Rtd. Capt. विष्णु श्रेष्ठले राष्ट्रिय कलाकारहरू प्रसाद खप्तरी मगर, देवी आले, शीतल गुरुङ र विमला गुरुङलाई खादा र फूल दिएर सम्मान गरेका थिए।

सुरुआतमा गायिका विमला गुरुङले ‘नेपाली हामी रहौँला कहाँ’ गीत गाएर राष्ट्र भाव जगाएकी थिइन्। उनको गीतमा सबै मन्त्रमुग्ध भएका थिए। त्यसपछि कलाकारहरू देवी आले र प्रसाद खप्तरी मगरले लाइभ दोहोरी गाएर भरपुर मनोरञ्जन दिलाए। शीतल गुरुङ आफ्नो हिट गीत ‘दिउँला चिनो यूके लन्डनको’ गाएर नचाइन्।