म्यान्मा र थाइल्यान्डमा शुक्रबार गएको भूकम्पमा परी ज्यान गुमाउनेको सङ्ख्या १ हजार नाघ्यो

विश्व

Home
विश्व
म्यान्मा र थाइल्यान्डमा शुक्रबार गएको भूकम्पमा परी ज्यान गुमाउनेको सङ्ख्या १ हजार नाघ्यो

म्यान्मा र थाइल्यान्डमा शुक्रबार गएको भूकम्पमा परी ज्यान गुमाउनेको सङ्ख्या १ हजार नाघ्यो

गोर्खा मिडिया संवाददाता शनिबार, चैत १६, २०८१

म्यान्मा । म्यान्माको सागिङ सहरमा केन्द्रविन्दु भई म्यान्मा र थाइल्यान्डमा शुक्रबार गएको भूकम्पमा परी मृत्यु हुनेको सङ्ख्या शनिबार एक हजारभन्दा बढी पुगेको छ भने खोजी तथा उद्धार कार्य जारी रहेको जनाइएको छ ।

मध्य म्यान्माको सागिङ सहरको उत्तरपश्चिममा शुक्रबार ७.७ म्याग्निच्युडको भूकम्प गएको र त्यसको केही मिनेटपछि ६.७ म्याग्निच्युडको पराकम्प आएको थियो ।

भूकम्पले म्यान्मामा भवन, पुल र सडकका साथै १७ लाखभन्दा बढी मानिसहरूको घरमा क्षति पुगेको थियो । म्यान्मामा कम्तीमा एक हजार दुई जनाको मृत्यु भएको र करिब दुई हजार ४०० जना घाइते भएको म्यान्मा सरकारले विज्ञप्तिमा जनाएको छ । उक्त भूकम्पको कारण बैङ्ककमा थप १० जनाको मृत्यु भएको र कम्तीमा १०० जना हराइरहेको पुष्टि भएको छ ।

भुकम्पका कारण सञ्चार प्रणाली अवरुद्ध भएपछि, प्रकोपको वास्तविक तथ्याङ्क सरकारले सार्वजनिक गरिरहेको छ भने मृतकको सङ्ख्या अझै बढ्ने आशङ्का गरिएको छ ।

विमानस्थल तथा सडकहरु बन्द रहेकाले राहत तथा उद्धार सामाग्री प्ुर्याउने काममा समेत समस्या भइरहेको जनाइएको छ ।

प्रकाशित मिति: शनिबार, चैत १६, २०८१ १४:११

प्रतिक्रिया दिनुहोस्