विद्युतीय सबस्टेशनमा आगलागी भएपछि लन्डनको हिथ्रो विमानस्थल बन्द

कर्मभूमि बेलायत

Home
कर्मभूमि बेलायत
विद्युतीय सबस्टेशनमा आगलागी भएपछि लन्डनको हिथ्रो विमानस्थल बन्द

विद्युतीय सबस्टेशनमा आगलागी भएपछि लन्डनको हिथ्रो विमानस्थल बन्द

गोर्खा मिडिया संवाददाता शुक्रबार, चैत ८, २०८१

लन्डन । युरोपको सबैभन्दा व्यस्त बेलायतको हिथ्रो विमानस्थल शुक्रबार बन्द गरिएको छ ।

बिहानै लन्डनको पश्चिममा रहेको सुविधामा बिजुली आपूर्ति गर्ने छिमेकी विद्युतीय सबस्टेशनमा ठूलो आगलागी भएपछि शुक्रबार बिहानदेखि विमानस्थल बन्द गरिएको अधिकारीहरूले बताएको अन्तर्राष्ट्रिय सञ्चारमाध्यमले उल्लेख गरेका छन् ।

उडान–ट्र्याकिङ वेबसाइट फ्लाइटराडार२४ का अनुसार केही उडान पहिले नै मोडिएका थिए भने विमानस्थल अधिकारीहरूले विमानस्थल अधिकारीहरूले ‘आगामी दिनहरूमा महत्त्वपूर्ण अवरोधको अपेक्षा’ गरेका छन् ।

“हिथ्रोले महत्त्वपूर्ण विद्युत् कटौतीको अनुभव गरिरहेको छ”, विमानस्थल अपरेटरले आफ्नो वेबसाइटमा एक विज्ञप्तिमा भने, “यो शुक्रवार मध्यरात (२३५९ जिएमटी) सम्म बन्द हुनेछ, विमानस्थल पुनः नखुलेसम्म यात्रुहरूले कुनै पनि परिस्थितिमा विमानस्थलमा यात्रा गर्नु हुँदैन ।”

लन्डन फायर ब्रिगेडले लन्डन बरोको हिलिङडन सहरको हेसको सबस्टेशनमा ‘उल्लेखनीय’ आगलागी भएको बताएको छ ।

हिथ्रोले वर्षमा आठ करोडभन्दा बढी यात्रुको व्यवस्थापन गर्दछ ।

प्रकाशित मिति: शुक्रबार, चैत ८, २०८१ १२:३१

प्रतिक्रिया दिनुहोस्