सहारा यूकेको बैठक: आगामी कार्यक्रमबारे छलफल

कर्मभूमि बेलायत

Home
कर्मभूमि बेलायत
सहारा यूकेको बैठक: आगामी कार्यक्रमबारे छलफल

सहारा यूकेको बैठक: आगामी कार्यक्रमबारे छलफल

गोर्खा मिडिया संवाददाता सोमबार, चैत ४, २०८१

अल्डरसट । सहारा यूकेको बैठक ठमेल ढिँडोघर अल्डरसटमा आइतबार सम्पन्न भएको छ । महासचिव क्या. पीताम्बर गुरुङले स्वास्थ्य र सुरक्षाबारे जानकारी गराउँदै कार्यक्रम सञ्चालन गरेका थिए । उनले आफू एक वर्षपछि बेलायत फर्किएको तथा दुःख परेको बेला संस्थाले गरेको सहयोगप्रति धन्यवाद दिएका थिए ।

संस्थाका अध्यक्ष कृष्ण गुरुङको अध्यक्षतामा भएको कार्यक्रममा उपाध्यक्ष शारदा गुरुङले स्वागत मन्तव्य राखेका थिए । अध्यक्ष गुरुङले हालै पोखरामा सम्पन्न सहारा गोल्डकपको बारेमा समितिलाई संक्षिप्तमा अपडेट गराएका थिए ।

483034702_1220274239522524_4541094180065352688_n-1742224674.jpg
संस्थाले आगामी वर्ष गर्ने कार्यक्रमबारे वृहत् छलफल भएको थियो । अब आउने गोर्खा कपमा सहाराले स्टल राख्ने तथा गोर्खा कपका लागि नेपालबाट एक जना खेलाडी ल्याउने विषयमा कुराकानी भएको थियो ।

यसैगरी, बैठकमा च्यारिटी डिनर नाइट २०२५, संस्थाको आयव्यय, गिफ्ट एड, अक्षय कोषलगायत विषयमा वृहत् छलफल भएको थियो ।

484070314_513268234894476_4577502644012589320_n-1742224744.jpg
बेलायत भ्रमणमा आएका सांसद मानबहादुर गुरुङलाई पनि स्वागत तथा सम्मान गरिएको थियो । आफूलाई सम्मान गरेकोमा धन्यवाद दिँदै सांसद गुरुङले सहाराको विषयमा आफ्नो भनाइ राखेका थिए । अध्यक्षले सहाराको इतिहासबारे जानकारी गराएका थिए ।