समाजसेवी स्वर्गीय ओमप्रसाद गुरुङको ४९ दिने पुण्यतिथि: रेडिङ गुम्बामा पूजा सम्पन्न

कर्मभूमि बेलायत

Home
कर्मभूमि बेलायत
समाजसेवी स्वर्गीय ओमप्रसाद गुरुङको ४९ दिने पुण्यतिथि: रेडिङ गुम्बामा पूजा सम्पन्न

समाजसेवी स्वर्गीय ओमप्रसाद गुरुङको ४९ दिने पुण्यतिथि: रेडिङ गुम्बामा पूजा सम्पन्न

रेडिङ । सिधाने चैबरे लेम समाजका निवर्तमान अध्यक्ष स्वर्गीय ओमप्रसाद गुरुङको ४९ दिने पुण्यतिथि पूजा १३ मार्च २०२५ मा रेडिङ बुद्धिस्ट गुम्बा, यूकेमा सम्पन्न भएको छ।

प्रमुख लामा खेम्पो दशरथ गुरुङ र लामा गुरु शुकबहादुर गुरुङको अगुवाइमा सम्पन्न उक्त धार्मिक अनुष्ठानमा सिधाने चैबरे लेम परिवार यूके तथा आफन्तजनको उल्लेखनीय उपस्थिति थियो।

482870276_990835213009240_5528222460304386745_n-(1)-1742101941.jpg
कार्यक्रमको प्रारम्भमा बुद्धिस्ट गुम्बा रेडिङका अध्यक्ष रि.ई. खिमबहादुर गुरुङले गुम्बाको पृष्ठभूमि तथा गतिविधिसम्बन्धी संक्षिप्त मन्तव्य दिएका थिए । झन्डै तीन घण्टा चलेको पूजामा झ्याम्बर पोल्नेलगायत सम्पूर्ण बौद्ध धार्मिक विधिहरू लामा गुरुहरूले विधिपूर्वक सम्पन्न गराएका थिए ।

स्वर्गीय ओमप्रसाद गुरुङ दोस्रो विश्वयुद्धका लडाकु स्वर्गीय कलबहादुर गुरुङका ६ जना छोरामध्ये माइलो पुत्र थिए । २०१२ चैत्र २२ गते जन्मिएका गुरुङको निधन २०८१ माघ १० गते आफ्नै निवास पोखरा-३, बालमन्दिर मार्ग, नदीपुरमा भएको थियो । समाजसेवामा लामो समय योगदान दिएका गुरुङ आफ्नो परिवार र समाजप्रति अत्यन्तै उत्तरदायी व्यक्ति थिए ।

482891684_986143666440874_7454646598626824628_n-1742101956.jpg
उनका जेठी छोरी-ज्वाइँ तथा नातिनातिनी हङकङमा, कान्छी छोरी-ज्वाइँ र दुई नाति न्युयोर्क, अमेरिकामा तथा छोरा-बुहारी र नाति बेलायतमा बसोबास गर्दै आएका छन् । श्रीमानको निधनपछि उनकी धर्मपत्नी ध्रुवकुमारी गुरुङ पोखरास्थित आफ्नै निवासमा बस्दै आएकी छन् ।