लन्डन । गैर आवासीय नेपाली संघ (एनआरएनए) युकेका पूर्वउपाध्यक्ष तथा समाजसेवी मोहन कार्कीको निधन भएको छ ।
कार्कीको सोमबार आफ्नै निवासमा मृत्यु भएको एनआरएनए यूकेका महासचिव गोविन्द खरेलले पुष्टि गरे । झापामा २९/१०/१९७२ मा जन्मिएका कार्कीको घर काठमाडौंमा कालिमाटी हो । हाल उनी स्कटल्यान्डमा बस्दै आएका थिए । उनमा केही समयअघि फोक्सोमा समस्या आएपछि उपचाररत थिए ।
कार्की एनआरएनए यूकेको दुई कार्यकाल उपाध्यक्ष (२०१९–२१, २०२१–२३), एनआरएनए स्कटल्याण्डको संस्थापक अध्यक्ष (२०१७–१९) रहेका थिए ।
उनी फोर्थ भ्याली नेपाली एशोसिएसनका अध्यक्ष, दुई कार्यकाल ग्लास्गो नेपाली एशोसिएसनको अध्यक्षसमेत बनेका थिए ।
आपतविपत पर्दा कार्की कर्मभूमि बेलायत र जन्मभूमि नेपालमा अग्रणी रुपमा लागिपर्ने स्वभावका थिए ।
एनआरएनए युकेको नेपाली नागरिकता निरन्तर अभियानको संयोजकसमेत बनेका थिए कार्की ।
यसैबीच हितकाजी गुरुङ नेतृत्वको गैरआवासीय नेपाली संघ (एनआरएनए) यूकेले पूर्वउपाध्यक्ष कार्कीको निधनले सिंगो गैरआवासीय नेपाली संघ, सम्पूर्ण सहपाठी सामाजिक अभियन्तालगायत सम्पूर्ण समुदाय स्तब्ध भएका जनाएको छ । सोमबार अध्यक्ष हितकाजी गुरुङ र महासचिव गोविन्द खरेलले व्यक्त गरेको श्रद्धाञ्जलीमा भनिएको छ, 'पूर्वउपाध्यक्ष, गैरआवासीय नेपाली संघका प्रखर अभियन्ता तथा सम्पूर्ण गैरआवासीय नेपालीहरुको हितलाई संधै सर्वोपरी राखी गैरआवासीय नेपाली नागरिकताको निरन्तरताजस्ता अभिन्न एजेन्डाहरुमा देश नेपाली तथा विश्वव्यापी अभियानको नेतृत्व गर्दै हिँड्नु भएका श्रद्धेय मित्र मोहन कार्कीज्यू अब हामीसामु रहनु भएन । उहाँको असामयिक निधनको खबरले हामी सिंगो गैरआवासीय नेपाली संघ, सम्पूर्ण सहपाठी सामाजिक अभियन्ताहरु, लगायत सम्पूर्ण समुदाय स्तब्ध भएका छौं ।'
थप भनिएको छ,'उहाँले गैरआवासीय नेपाली नागरिकताको निरन्तरताका लागि महत्वपूर्ण भूमिका खेल्नुका साथै संघको कार्यमा निरन्तर समर्पण र निष्ठाका साथ योगदान दिनुभएको थियो। उहाँको नेतृत्व प्रेरणादायी मात्र नभई सम्पूर्ण प्रवासी नेपालीहरूका लागि मार्गदर्शक पनि रह्यो ।'
![युरोपियन कोर्टमा समान पेन्सनको मुद्दा लिगल्ली हारे पनि वार्ताका लागि सहज भएको छ: मे. रि. टिकेन्द्र दल देवान जेपी [अन्तर्वार्ता]](https://gurkhamedia.com/uploads/posts/collage-(1)-1743340752.jpg)
-1743171639.jpg)
-1741516247.jpg)
