पाँचथर समाज सेवा यूकेले च्यारिटीबाट संकलित १५ लाख पापुन्देन विद्यालयलाई दिने

कर्मभूमि बेलायत

Home
कर्मभूमि बेलायत
पाँचथर समाज सेवा यूकेले च्यारिटीबाट संकलित १५ लाख पापुन्देन विद्यालयलाई दिने

पाँचथर समाज सेवा यूकेले च्यारिटीबाट संकलित १५ लाख पापुन्देन विद्यालयलाई दिने

गोर्खा मिडिया संवाददाता शनिबार, फागुन १७, २०८१

लन्डन । पाँचथर समाज सेवा यूकेले च्यारिटी डिनर नाइटबाट संकिलत १५ लाख रुपैयाँ पाँचथरको फालेलुङ गाउँपालिका-३ स्थित पापुन्देन आधारभूत विद्यालयलाई दिने भएको छ ।

शुक्रबार २८ फेब्रुअरीमा बसेको समीक्षा बैठकले उक्त विद्यालयमा अध्ययनरत जेहेन्दार तथा विपन्न वर्गका छात्र छात्रालाई आर्थिक सहयोग दिने घोषणा गरेको हो । संस्थाका वरिष्ठ उपाध्यक्ष एवं विदेश विभाग प्रमुख गजेन्द्रराज नेम्बाङका अनुसार हालै सम्पन्न च्यारिटी डिनरको समीक्षा बैठक जुममार्फत बसेको थियो ।

481273476_2392936881068258_7512709592007957862_n-1740844755.jpg
संस्थाका अध्यक्ष शान्ति लिम्बूको अध्यक्षतामा बसेको बैठक सहसचिव सन्देश नेम्बाङले सञ्चालन गरेका थिए । वरिष्ठ उपाध्यक्ष नेम्बाङ, पूर्वअध्यक्ष नरवीर आङ्बो, सल्लाहकार छवि सेविङ, सल्लाहकार दिल सम्बाहाम्फेलगायत जुम बैठकमा सहभागी थिए । उनीहरूले च्यारिटी डिनर कार्यक्रम सफल भएकोमा खुसी व्यक्तसमेत गरेका थिए ।