रेखा गुप्ता दिल्लीको मुख्यमन्त्री बन्दै, भोलि शपथ

विश्व

Home
विश्व
रेखा गुप्ता दिल्लीको मुख्यमन्त्री बन्दै, भोलि शपथ

रेखा गुप्ता दिल्लीको मुख्यमन्त्री बन्दै, भोलि शपथ

गोर्खा मिडिया संवाददाता बुधबार, फागुन ७, २०८१

तस्बिर: रेखा गुप्ताको फेसबुकबाट

काठमाडौँ । भारतको राजधानीसमेत रहेको नयाँ दिल्लीको मुख्यमन्त्री रेखा गुप्ता बन्ने भएकी छन् । बुधबार बसेको दिल्लीको भाजपा संसदीय दलको बैठकले मुख्यमन्त्रीमा रेखाको नाम अनुमोदन गरेको हो ।

बैठकमा पर्यवेक्षकको रूपमा उपस्थित भारतीय जनता पार्टीका नेता रविशंकर प्रसादले रेखालाई मुख्यमन्त्री बनाउने निर्णय भएको बताए । उनका अनुसार लोकसभा सदस्यहरू प्रवेश वर्मा, सतीश उपाध्याय र विजेन्द्र गुप्ताले रेखाको नाम प्रस्ताव गरेका थिए । नौ जनाले उनको नामलाई अनुमोदन गरेको जनाइएको छ ।

बैठकपछि सञ्चारकर्मीहरूलाई प्रतिक्रिया दिँदै रेखाले प्रधानमन्त्री नरेन्द्र मोदी, राष्ट्रिय अध्यक्ष नड्डा, वीरेन्द्र सचदेवा, रविशंकर प्रसाद, विधायकसहित सबै कार्यकर्तालाई धन्यवाद दिइन् ।

रेखा गुप्ता दिल्लीको चौथो महिला मुख्यमन्त्री हुनेछिन् । उनीभन्दा अगाडि सुषमा स्वराज, शीला दीक्षित र आतिशीले यो पद सम्हालिसकेका छन् ।

नयाँ दिल्लीको सत्तामा भाजपाले २७ वर्षपछि पुनरागमन गरेको हो । नवनियुक्त मुख्यमन्त्रीको शपथ बिहीबार रामलीला मैदानमा हुनेछ ।

प्रकाशित मिति: बुधबार, फागुन ७, २०८१ २१:३६

प्रतिक्रिया दिनुहोस्