सांसद सरस्वती गुरुङसँग अन्तरक्रिया गर्दै गोर्खा आमा समूह

कर्मभूमि बेलायत

Home
कर्मभूमि बेलायत
सांसद सरस्वती गुरुङसँग अन्तरक्रिया गर्दै गोर्खा आमा समूह

सांसद सरस्वती गुरुङसँग अन्तरक्रिया गर्दै गोर्खा आमा समूह

गोर्खा मिडिया संवाददाता सोमबार, माघ ७, २०८१

लन्डन । बेलायत भ्रमणमा रहेकी गण्डकी प्रदेशसभा सदस्य सरस्वती गुरुङ र अल्डरसटस्थित गोर्खा आमा समूहबीच अन्तरक्रिया हुने भएको छ ।

अल्डरसटको डि लन्जमा २१ जनवरी मंगलबारका दिन ‘खुसी’ शीर्षकमा अन्तरक्रिया हुन लागेको हो । कार्यक्रम दिउँसो २ बजे सुरु हुनेछ । कार्यक्रममा उपस्थित भइदिन आफन्त तथा शुभचिन्तकलाई अनुरोध गरिएको छ ।

सो अवसरमा सांसद गुरुङले आमा समूहका पदाधिकारी तथा सदस्यहरूसँग छलफल गर्नेछिन् । आमाहरूले पनि गुरुङसँग आफ्ना जिज्ञासा राख्न सक्नेछन् । अन्तरक्रिया कार्यक्रमको संयोजन गोर्खा मिडियाका प्रबन्ध निर्देशक मिलन तमुले गरेका छन् ।

मंगलबार नै गुरुङले अल्डरसट नजिकै रहेको हिन्दू मन्दिर, गुम्बा र भीसीको मूर्ति रहेको स्थानको पनि भ्रमण गर्ने कार्यक्रम रहेको छ । लामो समयदेखि समाजसेवा र राजनीतिमा क्रियाशील गुरुङ गण्डकी प्रदेशसभाकी प्रभावशाली सदस्य हुन् ।

२०७२ सालको भूकम्प, कोरोना संक्रमणलगायत विभिन्न समयमा उनले निर्वाह गरेको सामाजिक भूमिका प्रशंसनीय रहेको छ । गरुङ क्वोंने (घोताने/घोण्डे) गुरुङ (तमु) समाज यूकेको वार्षिक भेटघाट तथा चेलीबेटी भोज कार्यक्रममा सहभागी हुन गुरुङ बेलायत आएकी हुन् ।

प्रकाशित मिति: सोमबार, माघ ७, २०८१ २२:१८

प्रतिक्रिया दिनुहोस्