लन्डन । सहारा यूकेको विभिन्न प्रतिवेदन पारित गर्दै वार्षिक साधारणसभा सम्पन्न भएको छ ।
शनिबार २१ डिसेम्बर २०२४ का दिन स्यान्डहर्स्टस्थित रोयल मिलिटरी एकेडेमीमा अध्यक्ष कृष्ण गुरुङको अध्यक्षतामा वार्षिक साधारणसभा सम्पन्न भएको हो । साधारणसभामा अध्यक्ष र अन्तरिमकालका महासचिवले एजेन्डा प्रस्तुत गरेका थिए ।
साधारणसभामा उपाध्यक्ष श्रद्धा गुरुङले स्वागत मन्तव्य राखेका थिए । त्यसपछि सहारा यूकेका सदस्य र दिवंगत ज्ञात अज्ञात व्यक्तिहरुको सम्झनामा १ मिनेट मौन धारण गरिएको थियो । संस्थापक र पूर्वअध्यक्षहरुले विशेष मन्तव्य राखेपछि अध्यक्ष कृष्ण गुरुङले ओपनिङ मन्तव्य राखेका थिए ।
साधारणसभामा कोषाध्यक्ष कुमार थापाले आयव्यय संक्षिप्त रिपोर्ट र सहकोषाध्यक्ष जगन गुरुङ र अध्यक्षले सहारा यूके अक्षय कोष र आगामी योजनाबारे प्रस्तुतिकरण दिएका थिए ।
त्यस्तै महासचिव र अध्यक्षले संक्षिप्त प्रतिवेदन, सहारा एफसी टिमबाट संक्षिप्त प्रतिवेदन प्रस्तुत गरिएको सहारा यूकेले जनाएको छ ।
सहाराको साधारणसभामा पोखरा अन्तर्राष्ट्रिय म्याराथन, आहारारा पोखरा गोल्डकपमा प्रदान गरिने पुरस्कारलगायत विषयमा अध्यक्ष कृष्ण गुरुङले ब्रिफिङ गरेका थिए । त्यस्तै गोर्खा कपमा राखिने स्टल र क्याम्पिङले शेरा गुरुङले विषय राखेका थिए ।
यसैबीच सहारा यूके अक्षय कोषका लागि झण्डै ८ लाख रुपैयाँ घोषणा भएको छ । सहारा यूकेले दिएको जानकारीअनुसार अजय थापा १ लाख १ हजार रुपैयाँ, दिलरास गुरुङ १ लाख रुपैयाँ, मेजर कुमार गुरुङ १ लाख रुपैयाँ, हरि श्रेष्ठ १ लाख रुपैयाँ, पूर्वअध्यक्ष कुमार गुरुङ ५६ हजार रुपैयाँ, सूर्य गुरुङ ५१ हजार रुपैयाँ, अमृत गुरुङ ५१ हजार रुपैयाँ, गंगा गुरुङ ५१ हजार रुपैयाँ, ध्रुव गौतम ५१ हजार रुपैयाँ, भोज गुरुङ ५१ रुपैयाँ र बल थापाले ५१ हजार रुपैयाँ घोषणा गरेका छन् ।
राफल ड्र सहसचिव मन्जु गुरुङ राई र सपनकुमार राईले खेलाएका थिए भने पिय पदार्थ सहारा सदस्यहरुले व्यवस्थापन गरेका थिए । खाना गोर्खा किचनबाट प्रबन्ध मिलाइएको थियो ।
डान्सर तथा मोडल स्वस्तिका खड्काले भरपुर मनोरन्जन दिलाएकी थिइन् । अध्यक्ष कृष्ण गुरुङले हललगायत विभिन्न प्रायोजकलाई र साधारणसभामा सहभागीलाई धन्यवाद दिँदै कार्यक्रम समापन गरेका थिए । अन्तमा ककटेल डान्स पनि भएको थियो ।
![युरोपियन कोर्टमा समान पेन्सनको मुद्दा लिगल्ली हारे पनि वार्ताका लागि सहज भएको छ: मे. रि. टिकेन्द्र दल देवान जेपी [अन्तर्वार्ता]](https://gurkhamedia.com/uploads/posts/collage-(1)-1743340752.jpg)
-1743171639.jpg)
-1741516247.jpg)
